ନୂଆଦିଲ୍ଲୀ – ରୁଷ୍ ଏବଂ ୟୁକ୍ରେନ ଯୁଦ୍ଧ ସମ୍ବନ୍ଧରେ ଭାରତର ପଦକ୍ଷେପକୁ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ପ୍ରଶଂସା କରିଛନ୍ତି । ଭାରତ ଠିକ୍ ସମୟରେ ଠିକ୍ ପଦକ୍ଷେପ ଗ୍ରହଣ କରିଛି ବୋଲି ସେ କହିଛନ୍ତି । ସାର୍ବଭୌମ ଏବଂ ଅର୍ଥନୀତିର ସୁରକ୍ଷା ଦୃଷ୍ଟିରୁ ମୋଦୀ ସରକାର ସଠିକ୍ ପଦକ୍ଷେପ ଗ୍ରହଣ କରିଛନ୍ତି ବୋଲି ସେ ପ୍ରକାଶ କରିଛନ୍ତି ।
ମୋଦୀ ସରକାରଙ୍କ ସମୟରେ ତାଙ୍କ ସରକାରଠାରୁ ବୈଦେଶିକ ନୀତିର ପ୍ରଭାବ ଅଧିକ ରହିଥିବା କଥା ସୂଚନା ଦେଇଛନ୍ତି । ୨୦୦୪ରୁ ୨୦୧୪ ମଧ୍ୟରେ ତାଙ୍କର ପ୍ରଧାନମନ୍ତ୍ରୀତ୍ୱ କାଳ ଅପେକ୍ଷା ଏବେ ଦେଶର ରାଜନୀତିରେ ବୈଦେଶିକ ନୀତର ଅଧିକ ଭଲ ପ୍ରଭାବ ରହିଥିବା କଥା ସେ କହିଛନ୍ତି ।
ମନମୋହନ ସିଂଙ୍କୁ ଜି୨୦ର ନୈଶ ଭୋଜିରେ ଆମନ୍ତ୍ରିତ କରାଯାଇଛି । ଇଣ୍ଡିଆନ୍ ଏକ୍ସପ୍ରେସକୁ ଦେଇଥିବା ଏକ ସାକ୍ଷାତକାରରେ ପୂର୍ବତନ ପ୍ରଧାନମନ୍ତ୍ରୀ ତଥା କଂଗ୍ରେସର ବରିଷ୍ଠ ନେତା ମନମୋହନ ସିଂ ଏହି ସୂଚନା ଦେଇଛନ୍ତି । ତାଙ୍କର ଜୀବନକାଳ ମଧ୍ୟରେ ଭାରତ ଜି୨୦ର ପ୍ରତିନିଧିତ୍ୱ କରୁଛି ଏବଂ ଭାରତ ବିଶ୍ୱର ନେତୃତ୍ୱକୁ ସ୍ୱାଗତ କରୁଛି ତାହା ବହୁତ ବଡ କଥା ବୋଲି କହିଛନ୍ତି ।
ରୁଷ୍ ଏବଂ ୟୁକ୍ରେନ୍ ଯୁଦ୍ଧ ବେଳେ ଭାରତ ଉପରେ ଅତ୍ୟଧିକ ଚାପ ରହିଥିଲା । ଭାରତ ଏହାର ଅର୍ଥନୀତି ଏବଂ ସାର୍ବଭୌମ୍ୟତ ପାଇଁ ଯେଉଁ ପଦକ୍ଷେପ ଗ୍ରହଣ କରିଛି ତାହା ପ୍ରଶଂସାଯୋଗ୍ୟ ବୋଲି ସେ କହିଛନ୍ତି ।
Comments are closed.