ରେଙ୍ଗାଲିକ୍ୟାମ୍ପ: ବରଗଡ଼ ଜିଲ୍ଲା ଅତାବିରା ଥାନା ଅନ୍ତର୍ଗତ ୫୩ନମ୍ବର ମୁଖ୍ୟ ଜାତୀୟ ରାଜପଥ ଆନନ୍ଦ କଲ୍ୟାଣ ମଣ୍ଡପ ନିକଟ ରାଜରାସ୍ତାର ବରଗଡ଼-ସମ୍ବଲପୁର ୱେ କୁବେଟା ଶୋ ରୁମ୍ ସାମ୍ନାରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ହାରଭେଷ୍ଟର ସଜାଡ଼ିବାକୁ ଆସିଥିବା ଏକ ନମ୍ୱର ବିହୀନ ଟ୍ରାକ୍ଟରକୁ ପଛ ପଟୁ ଧକ୍କା ଦେଇଛି ବରଗଡ଼ରୁ ସମ୍ବଲପୁର ଅଭିମୁଖେ ଯାଉଥିବା ଏକ କଣ୍ଟେନର। ଏଥିସହ ନିକଟରେ ରହିଥିବା ଏକ କାରକୁ ମଧ୍ୟ ଧକ୍କା ଦେଇଥିବା ଜଣାପଡ଼ିଛି। ଫଳରେ ଟ୍ରାକ୍ଟରଟି ଚାରି ଥାକିଆ ରାଜରାସ୍ତା ପାରି ହୋଇ ଦୁଇଶହ ମିଟର ଦୂର ଏକ ବିଲ ଭିତରକୁ ପଶି ଯାଇଥିବା ବେଳେ ଘଟଣା ସ୍ଥଳରେ ଦୁଇଜଣ ଯୁବକଙ୍କ ମୃତ୍ୟୁ ଘଟିଛି।
ଏନେଇ ଅତାବିରା ପୁଲିସ ଘଟଣା ସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରିବା ସହ ମୄତ ଦୁଇ ଯୁବକଙ୍କୁ ଆମ୍ବୁଲାନ୍ସ ଯୋଗେ ବୁର୍ଲା ଡାକ୍ତରଖାନାକୁ ବ୍ୟବଛେଦ ପାଇଁ ପଠାଇ ଦେଇଛି। ଅପରପକ୍ଷେ, କଣ୍ଟେନର ଚାଳକ ଫେରାର ମାରିଥିବା ଜଣାପଡିଛି। ତେବେ ମୃତ ଯୁବକ ଦ୍ବୟଙ୍କ ପରିଚୟ ମିଳିପାରିନାହିଁ । ଏନେଇ ପୁଲିସ ତଦନ୍ତ ଜାରି ରଖିଛି।
Comments are closed.