ଫୁଲବାଣୀ : କନ୍ଧମାଳ ଜିଲ୍ଲା ରାଇକିଆ ଥାନାରେ କାର୍ଯ୍ୟରତ ଗୃହରକ୍ଷୀ ସିଦ୍ଧାର୍ଥ ଶଙ୍କର ପତିଙ୍କୁ ୨୦୨୦ ମସିହା ସାଧାରଣତନ୍ତ୍ର ଦିବସ ଅବସର ନିମନ୍ତେ “ଗୃହରକ୍ଷୀ ଓ ବେସାମରିକ ପ୍ରତିରକ୍ଷା ପ୍ରଶଂସନୀୟ ସେବା ପଦକ” ଶୁକ୍ରବାର ଦିନ ଭୁବନେଶ୍ଵର ଲୋକସେବା ଭବନ ଠାରେ ରାଜ୍ୟପାଳ ଗଣେଶୀ ଲାଲ ପ୍ରଦାନ କରିଛନ୍ତି । ସେ ୨୦୦୬ ମସିହାରେ ଗୃହରକ୍ଷୀ ଭାବେ କନ୍ଧମାଳ ଜିଲ୍ଲାର ଗୃହରକ୍ଷୀ ସଂସ୍ଥାରେ ଯୋଗଦାନ କରି ପ୍ରଶଂସନୀୟ ସେବା ପ୍ରଦାନ କରି ନିଜକୁ ଜଣେ ନିଷ୍ଠାପର ଓ ଶୃଙ୍ଖଳିତ ସ୍ଵେଚ୍ଛାସେବୀ ଭାବେ ପ୍ରତିପାଦିତ କରିପାରିଛନ୍ତି । କନ୍ଧମାଳ ଜିଲ୍ଲାର ବିଭିନ୍ନ ଆଇନଶୃଙ୍ଖଳା ପରିସ୍ଥିତି ସମୟରେ ସେ ଦୃଷ୍ଟାନ୍ତମୂଳକ ଉତ୍ସର୍ଗୀକୃତ କାର୍ୟ୍ୟମାନ ସଂପାଦନ କରିଛନ୍ତି । କନ୍ଧମାଳ ଜିଲ୍ଲାରେ ଘଟିଥିବା ଏକ ବ୍ୟାଙ୍କ ଡକାୟତି ଘଟଣାର ସନ୍ଧାନ କରିବାରେ ସେ ପ୍ରମୁଖ ଭୂମିକା ଗ୍ରହଣ କରି ଗୃହରକ୍ଷୀ ବାହିନୀର ଅନ୍ୟ ସଦସ୍ୟମାନଙ୍କ ପାଇଁ ଉଦାହରଣ ପାଲିଟିଛନ୍ତି । ରାଜ୍ୟ ସରକାର ମଧ୍ୟ ପ୍ରୋତ୍ସାହନ ସ୍ୱରୂପ ତାଙ୍କୁ ୭୫୦୦ ଟଙ୍କାର ପୁରସ୍କାର ରାଶି ପ୍ରଦାନ କରିଛନ୍ତି । ସେବା ପଦକ ପାଇଁ ରାଇକିଆ ଜନସାଧାରଣ ତାଙ୍କୁ ଶୁଭେଚ୍ଛା କରିଛନ୍ତି।
Comments are closed.