ବୁର୍ଲା: ବୁର୍ଲା ଥାନା ପୁଲିସ ସନ୍ଦିଗ୍ଧ ଅବସ୍ଥାରେ ଜଣେ ଦୁର୍ବୃତ୍ତକୁ ଦେଶୀବନ୍ଧୁକ, ଗୋଟିଏ ଜୀବନ୍ତ ଗୁଳି ଏବଂ ଫୁଟା ଗୁଳି ସହିତ ଗିରଫ କରିବାରେ ସଫଳ ହୋଇଛି। ପୁଲିସ ସୂଚନା ମୁତାବକ, ମୁଣ୍ଡୋଘାଟ ବ୍ରିଜ୍ ନିକଟରୁ ସୁଦାମ ସତନାମୀ ନାମକ ଯୁବକକୁ ପୁଲିସ ସନ୍ଦିଗ୍ଧ ଅବସ୍ଥାରେ ଗିରଫ କରିଛି। ଉକ୍ତ ଯୁବକଠାରୁ ଏକ ଦେଶୀବନ୍ଧୁକ ପୁଲିସ ଜବତ କରିବା ସହିତ ଏକ ଅଫୁଟା ଜୀବନ୍ତ ଗୁଳି ଏବଂ ଫୁଟା ଗୁଳିର ଖୋକା ଜବତ କରିଛି। ତେବେ ଯୁବକ ଜଣକ କୌଣସି କାଣ୍ଡ ଭିଆଇବା ପାଇଁ ଏଠାକୁ ଆସିଥିଲା ଏବଂ ଫୁଟା ଗୁଳିର ରହସ୍ୟ ବର୍ତ୍ତମାନ ସୁଦ୍ଧା ଉନ୍ମୋଚନ ହୋଇ ପାରିନଥିବା ପୁଲିସ ସୂଚନା ଦେଇଛି। ଯୁବକ ଜଣକର ଘର କେଉଁଠି ତାହା ମଧ୍ୟ ସ୍ପଷ୍ଟ ହୋଇ ପାରିନାହିଁ। ୧୫ ତାରିଖରେ ଉକ୍ତ ଯୁବକକୁ ପୁଲିସ ଗିରଫ କରିଥିବା ସୂଚନା ବୁର୍ଲା ଥାନାଧିକାରୀ ଅନୀଲ କୁମାର ପ୍ରଧାନ ଦେଇଛନ୍ତି। ଦୁର୍ବୃତ୍ତ ସୁଦାମଙ୍କୁ କୋର୍ଟକୁ ଚାଲାଣ କରି ଦିଆଯାଇଛି।
Popular Categories
Previous article
Next article