ତିଗିରିଆ : ମହାନଦୀ ଉତ୍ତରକୂଳରେ ଶନିବାର ରାତିରେ ପ୍ରବେଶ କରିଥିବା ବଣୁଆ ହାତୀ ସୋମବାର ତିଗିରିଆ ବ୍ଲକ ଅନ୍ତର୍ଗତ ପୁରୁଣା ତିଗିରିଆ ପଞ୍ଚାୟତ ଚଷାଆଁରା ଓ ପାଇକିଆଁରା ଗ୍ରାମର କ୍ଷେତ ମାନଙ୍କରେ ବୁଲିବା ସହିତ ପନିପରିବା ଚାଷକୁ ନଷ୍ଟ କରିଥିବା ଜଣାପଡିଛି। ଏହା ଦେଖି ଗ୍ରାମବାସୀମାନେ ହାତୀକୁ ଘଉଡାଇବାରୁ ହାତୀଟି ନିକଟରେ ଥିବା କାଶିଆ ମୁଣ୍ଡିଆକୁ ଚାଲିଯାଇ ଥିବାବେଳେ ଏହାକୁ ନେଇ ବାସୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି।
ସୂଚନାଯୋଗ୍ୟ, ଶୁକ୍ରବାର ରାତିରେ ବାଙ୍କୀ ବୈଦେଶ୍ୱର ନିକଟବର୍ତ୍ତୀ ଜଙ୍ଗଲରୁ ୩ ଟି ହାତୀ ମହାନଦୀ ପାର ହୋଇ ଉତ୍ତର କୂଳକୁ ମୁହାଁଇ ଥିଲେ। ସେଥି ମଧ୍ୟରୁ ୨ ଟି ହାତୀ ପୁନର୍ବାର ମହାନଦୀ ପାର ହୋଇ ଫେରିଯାଇ ଥିବାବେଳେ ଗୋଟିଏ ହାତୀ ମହାନଦୀ ପଠାରେ ଅଟକି ରହିଥିଲା। ପରବର୍ତ୍ତୀ ସମୟରେ ଉକ୍ତ ହାତୀଟି ଦଳଛଡା ହୋଇ ନଦୀକୂଳ ସାନନାଉପୁଟ ଏବଂ ଶୁଣ୍ଠୀପାଳ ଠାରେ ବନ୍ଧବାଡ ନିକଟ ବଣବୁଦା ଦେଇ ପୁରୁଣା ତିଗିରିଆ ପଞ୍ଚାୟତ ଅଞ୍ଚଳକୁ ପ୍ରବେଶ କରିଛି। ବନ ବିଭାଗ ପକ୍ଷରୁ ଉକ୍ତ ହାତୀକୁ ସୁରକ୍ଷିତ ଭାବେ ଜଙ୍ଗଲ ମଧ୍ୟକୁ ଛାଡ଼ିବାକୁ ସ୍ଥାନୀୟ ଜନସାଧାରଣରେ ଦାବି ହୋଇଛି ।
ନଦୀକୂଳ ଅଞ୍ଚଳରେ ଘୁରି ବୁଲୁଛି ହାତୀ
Popular Categories
Previous article
Next article