ଚୌଦ୍ୱାର: ମଟର ସାଇକେଲ ଚୋରି ଅଭିଯୋଗରେ ଚୌଦ୍ୱାର ପୁଲିସ ୨ଜଣଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ୭ଟି ଚୋରି ମଟର ସାଇକେଲ ଜବତ କରିଛି। ଅଭିଯୁକ୍ତ ମାନେ ହେଲେ ଯାଜପୁର ଜିଲା କଳିଙ୍ଗ ନଗର ଅଞ୍ଚଳର ଦିପୁ ପିଙ୍ଗୁଆ (୨୭) ଓ କଟକ ସଦର ରଥଗଢ଼ାସାହିର ଚିରଞ୍ଜିବ ଉତ୍ଥାନ (୨୬)। ପୁଲିସ ସୂଚନା ଅନୁଯାୟୀ ଚୌଦ୍ୱାର ନିକଟ କଜଳକଣାରେ ଥିବା ଏକ କମ୍ପାନୀରେ ସିକ୍ୟୁରିଟି ଭାବେ କାର୍ଯ୍ୟକରୁଥିବା ଖୁଣ୍ଟୁଣୀ ଅଞ୍ଚଳର ମନୋଜ ବେହେରା ଚୌଦ୍ୱାର ଥାନାରେ ଅଭିଯୋଗ କରିଥିଲେଯେ ଗତ ୨୦ ତାରିଖ ଦିନ ସେ କମ୍ପାନୀ କାର୍ଯ୍ୟରେ ଦେବୀ ନଗରକୁ ଯାଇ ସେଠାରେ ନିଜ ମଟର ସାଇକେଲଟିକୁ ରଖିଥିବାବେଳେ କେହି ତାଙ୍କ ମଟର ସାଇକେଲଟିକୁ ଚୋରି କରି ନେଇଥିଲା। ଥାନା ଏସ୍ଆଇ ନିରଞ୍ଜନ ଭୋଇ ଘଟଣାର ତଦନ୍ତ କରି ଚୌଦ୍ୱାର ମୁଣ୍ଡମାଳ ଛକରୁ ଅଭିଯୁକ୍ତ ମାନଙ୍କୁ ଧରିବା ସହିତ ସେମାନଙ୍କ ନିକଟରୁ ଚୋରି ମଟର ସାଇକେଲଟିକୁ ଜବତ କରିଥିଲେ।ଏଥି ସହିତ ସେମାନେ ବିଭିନ୍ନ ସ୍ଥାନରୁ ଚୋରି କରିଥିବା ଆଉ ୬ଟି ମଟର ସାଇକେଲ ମଧ୍ୟ ଜବତ କରାଯାଇଥିଲା। ଜବତ ମଟର ସାଇକେଲ ଗୁଡ଼ିକ ମଧ୍ୟରେ ହିରୋହୋଣ୍ଡା ସ୍ପେ୍ଲଣ୍ଡର ୩ଟି, ୟୁନିକନ୍ ଗୋଟିଏ, ଗୋଟିଏ ବୁଲେଟ, ଗୋଟିଏ ପଲସର ଏବଂ ଗୋଟିଏ ସୁଜୁକି ସ୍କୁଟି ଅନ୍ତର୍ଭୁକ୍ତ। ଅଭିଯୁକ୍ତ ମାନଙ୍କୁ ଅଦାଲତ ଚାଲାଣ କରାଯାଇଛି।
Popular Categories
Previous article
Next article