ମାନାମା/ନୂଆଦିଲ୍ଲୀ – ବାହାରିନର ରାଜଧାନୀ ମାନାମା ଠାରେ ପ୍ରବାସୀ ଓଡ଼ିଆମାନଙ୍କ ସଂଗଠନ , ଓଡ଼ିଆ ସମାଜ ତରଫରୁ ବହୁ ଆଡମ୍ବର ସହକାରେ ରଜ ମଉଜ ଉତ୍ସବ ପାଳନ କରାଯାଇଛି ।
ଏହି ଅବସରରେ ଓଡ଼ିଶାର ପାରମ୍ପରିକ ପିଠାପଣାକୁ ନେଇ ସ୍ୱତନ୍ତ୍ର ରଜ ପିଠାର ଆୟୋଜନ କରାଯାଇ ଥିଲା । ମହିଳାମାନେ କୁଆଁରୀ ଝିଅ ମାନଙ୍କୁ କୁଙ୍କୁମ ଓ ଅଳତା ଲଗାଇ ବେଶ କରାଇଥିଲେ , ମହିଳା ଓ ଝିଅମାନେ ସୁସଜ୍ଜିତ ଦୋଳିର ମଜା ନେଇଥିଲେ , ସଦସ୍ୟମାନେ ଓଡିଶା ମିଠା ପାନର ମଜା ନେବା ସହିତ , କବାଡି , ପୁଚି ଖେଳ ତଥା ସଂସ୍କୁତିକ କାର୍ଯ୍ୟକର୍ମକୁ ମନ ଭରି ଉପଭୋଗ କରିଥିଲେ ।
- Advertisement -
ଏହି କାର୍ଯ୍ୟକର୍ମରେ ପ୍ରାୟ ୧୩୦ରୁ ଅଧିକ ସଦସ୍ୟ ସପରିବାରେ ଯୋଗ ଦେଇ ବିଦେଶ ମାଟିରେ, ଗାଁ ରଜକୁ ମନଭରି ଉପଭୋଗ କରିଥିଲେ । ଏହି ଅବସରରେ ବାହାରିନ ଓଡ଼ିଆ ସମାଜର ଅଧ୍ୟକ୍ଷ ବିଷ୍ଣୁ ପ୍ରସାଦ ମହାନ୍ତି ସମସ୍ତ ଓଡ଼ିଆ ପରିବାରକୁ ରଜ ଶୁଭେଛା ଜଣାଇବ ସହ, ଓଡ଼ିଆ ବାହାରେ ରହି ଓଡ଼ିଆ ପରମ୍ପରାକୁ ଓ ପର୍ବ ପର୍ବାଣୀ ପାଳନ କରିଥିବାରୁ ସମସ୍ତ ସଦସ୍ୟ ଙ୍କୁ ଧନ୍ୟବାଦ୍ ଜଣାଇଥିଲେ ।
