ଡେସ୍କ : ରେଳ ଦୁର୍ଘଟଣାରେ ମୃତାହତ ବ୍ୟକ୍ତିମାନଙ୍କ ସମ୍ପର୍କରେ ସୂଚନା ଦେବାକୁ ଭୁବନେଶ୍ୱର ମହାନଗର ନିଗମ (ବିଏମସି) ପକ୍ଷରୁ ହେଲ୍ପ ଲାଇନ୍ ନମ୍ବର ଜାରି ହୋଇଛି । ସମ୍ପର୍କୀୟ ମାନେ ୧୯୨୯ ନମ୍ବରକୁ କଲ କରି ମୃତାହତଙ୍କ ବିଷୟରେ ଜାଣି ପାରିବେ ବୋଲି ବିଏମସି କମିଶନର ବିଜୟ ଅମୃତ କୁଲାଙ୍ଗେ ସୂଚନା ଦେଇଛନ୍ତି ।
Control Room at BMC Office
24×7 Helpline: 18003450061 / 1929Nodal Officers:
1. Rajesh Pradhan: 6370946287
2. Asish Patra:7978095293
3. Debasish Mishra:6370585221
4. Deepak Rout: 8249217415
5. Sandeep Moharana: 8847822559 pic.twitter.com/GnF2mnmvfE— I & PR Department, Odisha (@IPR_Odisha) June 4, 2023
ସେ କହିଛନ୍ତି, ବିଏମସି ୱେବସାଇଟ୍ରେ ମଧ୍ୟ ମୃତକଙ୍କ ଫଟୋ ଏବଂ ସମ୍ପୂର୍ଣ୍ଣ ବିବରଣୀ ଅପଲୋଡ୍ କରାଯିବ। ବିଏମ୍ସି ମୁଖ୍ୟ କାର୍ଯ୍ୟାଳୟରେ ହେଲ୍ପ ଡେସ୍କ ଖୋଲାଯାଇଥିବାବେଳେ ସେଠାରୁ ମଧ୍ୟ ସମ୍ପର୍କୀୟମାନେ ମୃତକଙ୍କ ବିଷୟରେ ସୂଚନା ପାଇ ପାରିବେ । ଏହା ସହ ସମ୍ପର୍କୀୟ ଚାହିଁଲେ ଭୁବନେଶ୍ୱରଠାରେ ମୃତ ଦେହ ଅନ୍ତିମ ସଂସ୍କାର କରିବା ବ୍ୟବସ୍ଥା କରାଯିବ । ଆବଶ୍ୟକ ପଡ଼ିଲେ ମୃତଦେହ ନିଜ ଅଞ୍ଚଳକୁ ନେବା ପାଇଁ ମଧ୍ୟ ସହାୟତା ଯୋଗାଇ ଦିଆଯିବ । ଏମ୍ସ ସମେତ ଭୁବନେଶ୍ୱରର ବିଭିନ୍ନ ହସ୍ପିଟାଲରେ ୧୭୦ଟି ମୃତ ଦେହ ସଂରକ୍ଷିତ କରି ରଖାଯାଇଥିବା ଶ୍ରୀ କୁଲାଙ୍ଗେ ଜଣାଇଛନ୍ତି ।
