ଭୁବନେଶ୍ୱର: ଆଜି ପୁଣି ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ ସୁନା ବିସ୍କୁଟ ଜବତ ହୋଇଛି । କ୍ୱାଲାଲୁମପୁରରୁ ଦୁବାଇରୁ ଭୁବନେଶ୍ୱର ଆସୁଥିବା ଯାତ୍ରଙ୍କ ନିକଟରୁ ୧ କିଲୋ ୨୦୦ ଗ୍ରାମ ସୁନା ଜବତ ହୋଇଛି । ଏହାର ଆନୁମାନିକ ବଜାର ମୂଲ୍ୟ ପ୍ରାୟ ୩୫ ଲକ୍ଷ ଟଙ୍କା ହେବ ବୋଲି ପୁଲିସ ସୂଚନା ଦେଇଛି । ଏହି ମାମଲାରେ ୨ ଜଣ ଅଟକ ରଖି ପଚରାଉଚରା ଚଳାଇଛି ପୁଲିସ ।
ସୂଚନାଯୋଗ୍ୟ, ଗତକାଲି ବିମାନବନ୍ଦରରୁ ୧୨ ଲକ୍ଷ ଟଙ୍କାର ସୁନା ଜବତ ହୋଇଥିଲା । ସେଥିରେ ୩ଟି ଗୋଲ୍ଡ ବାର ଓ ୧୪୩ଟି ଗୋଲ୍ଡ ରିଙ୍ଗ୍ ରହିଥିଲା । ଗତ ମାର୍ଚ୍ଚ ୧୧ତାରିଖରେ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରୁ ୨୪ ଲକ୍ଷ ଟଙ୍କାର ସୁନା ଅଳଙ୍କାର ଓ ମୁଦ୍ରା ଜବତ ହୋଇଥିଲା ।