ପିପିଲି : ପିପିଲି ପୌରାଞ୍ଚଳ ଅନ୍ତର୍ଗତ ଖଣ୍ଡିଆଗିରି ନିକଟରେ ଶୁକ୍ରବାର ରାତି ସାଢେ ୧୨ଟା ସମୟରେ ଘଟିଥିବା ଏକ ସଡ଼କ ଦୁର୍ଘଟଣାରେ ୩ଜଣ ଗୁରୁତର ଭାବେ ଆହତ ହୋଇଛନ୍ତି । ସେଥି ମଧ୍ୟରୁ ଜଣକ ଅବସ୍ଥା ସଂକଟପନ୍ନ ଥିବା ସୂଚନା ମିଳିଛି।
ଦାଣ୍ଡମୁକୁନ୍ଦପୁରରୁ ପିପିଲି ଅଭିମୁଖେ ଏକ ସ୍କୁଟିରେ ଦୁଇଜଣ ବ୍ୟକ୍ତି ଯାଉଥିବା ବେଳେ ଖଣ୍ଡିଆଗିରି ନିକଟ ହୁଙ୍କେଶ୍ୱର ନଗର ଠାରେ ସମୁଖରୁ ଆସୁଥିବା ଏକ ବାଇକ ସହ ମୁହାଁ ମୁହିଁ ଧକ୍କା ଲାଗିଥିଲା। ଫଳରେ ବାଇକ ଚାଳକଙ୍କ ସହ ସ୍କୁଟିରେ ଥିବା ଦୁଇଜଣ ଯାକ ରାସ୍ତା ଉପରେ ଛିଟିକି ପଡି ଗୁରୁତର ଭାବେ ଆହତ ହୋଇଥିଲେ। ଜଣେ ବ୍ୟକ୍ତି ଙ୍କ ମୁଣ୍ଡ ଫାଟି ପ୍ରବଳ ରକ୍ତ ସ୍ରାବ ହୋଇଥିବା ପରିଲକ୍ଷିତ ହୋଇଛି। ସ୍ଥାନୀୟ ଲୋକଙ୍କ ସହଯୋଗରେ ଅଗ୍ନିଶମ ବାହିନୀର ଦମକଳ ଓ ୧୦୮ ଆମ୍ବୁଲାନ୍ସରେ ସମସ୍ତ ଆହତଙ୍କୁ ପିପିଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ପିପିଲି ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି।
Comments are closed.