ଆଠଗଡ଼: ଆଠଗଡ଼ ଥାନା ଅନ୍ତର୍ଗତ ପାଟେଣି ଗାଁର ଜଣେ ବ୍ୟକ୍ତି ମଙ୍ଗଳବାର ଅଂଶୁଘାତରେ ମୃତ୍ୟୁବରଣ କରିଥିବା ଅଭିଯୋଗ ହୋଇଛି। ପାଟେଣି ଗାଁର ସୁଧାକର ସାହୁ(୬୨) ଆମ୍ବତୋଟାରୁ ଆମ୍ବ ତୋଳି ନିଜ ସାଇକେଲରେ କଟକ ବିକ୍ରି କରିବାକୁ ଯାଇଥିଲେ। ସେଠାରୁ ସେ ବିକ୍ରିବଟା ସାରି ଅପରାହ୍ନ ପ୍ରାୟ ୨.୩୦ମିନିଟ ବେଳକୁ ଫେରିବା ସମୟରେ ବାଉଁଶଦଣ୍ଡା ଛକଠାରେ ସାଇକେଲରୁ ଖସିପଡ଼ିଥିଲେ। ତାଙ୍କୁ ତୁରନ୍ତ ଆଠଗଡ଼ ଉପଖଣ୍ଡ ଡାକ୍ତରଖାନା ଅଣାଯାଇଥିବାବେଳେ ଡାକ୍ତର ପରୀକ୍ଷା ନିରୀକ୍ଷା ପରେ ତାଙ୍କୁ ମୃତ ଘୋଷଣା କରିଥିଲେ। ପରିବାର ପକ୍ଷରୁ ତାଙ୍କର ଅଂଶୁଘାତରେ ମୃତ୍ୟୁ ହୋଇଥିବା ଅଭିଯୋଗ କରାଯାଇଛି। ଆସନ୍ତା ବୁଧବାର ସକାଳେ ତାଙ୍କର ମୃତଦେହ ବ୍ୟବଚ୍ଛେଦ ହେବା ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ଡାକ୍ତରଖାନା ଓ ପୁଲିସ ପକ୍ଷରୁ କୁହାଯାଇଛି।
Popular Categories
Previous article
Next article