ଭୁବନେଶ୍ବର: ଆସନ୍ତା ୫ ତାରିଖରେ ସଙ୍ଗଠିତ ହେବ ବର୍ଷର ପ୍ରଥମ ‘ଉପଛାୟା’ ଚନ୍ଦ୍ରଗ୍ରହଣ। ଏହା ଭାରତୀୟ ସମୟ ରାତି ୮.୪୪ରେ ଆରମ୍ଭ ହେବ। ରାତି ୧୦.୫୨ ସମୟରେ ଚନ୍ଦ୍ର ଉପଛାୟାରେ ସଂପୂର୍ଣ୍ଣ ପ୍ରବେଶ କରିବ ଏବଂ ୬ ତାରିଖ ଭୋର ୦୧.୦୧ ସମୟରେ ଚନ୍ଦ୍ର ଉପଛାୟାରୁ ପୁରା ବାହାରିଯିବ। ଏହି ଚନ୍ଦ୍ରଗ୍ରହଣ ଏସିଆ, ଅଷ୍ଟ୍ରେଲିଆ, ଆଫ୍ରିକା, ପ୍ରଶାନ୍ତ ମହାସାଗର, ଭାରତ ମହାସାଗର ଏବଂ ଆଣ୍ଟାର୍କଟିକାର କିଛି ଅଞ୍ଚଳରେ ସଙ୍ଗଠିତ ହେବ। ଭାରତରେ ତଥା ଓଡ଼ିଶାରେ ଏହି ‘ଉପଛାୟା’ ଚନ୍ଦ୍ରଗ୍ରହଣ ଆରମ୍ଭରୁ ଶେଷ ଯାଏଁ ଘଟୁଥିଲେ ମଧ୍ୟ ଏହା ଖାଲି ଆଖିରେ ଦୃଶ୍ୟମାନ ହେବ ନାହିଁ। ଯେହେତୁ ଚନ୍ଦ୍ର ଉପଛାୟାରେ ଥିବା ସମୟରେ ଖାଲି ଆଖିରେ ଦେଖିହୁଏ ନାହିଁ ବୋଧହୁଏ ସେଥିପାଇଁ ଆମ ଶାସ୍ତ୍ରରେ ଏହାକୁ ଗ୍ରହଣ ରୂପେ ଗଣନା କରାଯାଏ ନାହିଁ।
Popular Categories
Previous article
Next article