ଆଠଗଡ଼଼: ଆଠଗଡ଼଼ର ସର୍ବପୁରାତନ ଶ୍ରୀ ଶ୍ରୀ ରଘୁନାଥ ଜୀଉ ରାମଲୀଳା ନାଟ୍ୟସଂଘର ୭୫ବର୍ଷ ପୂର୍ତ୍ତି ଅବସରରେ ଚାଲିଥିବା ରାମଲୀଳା ମହୋତ୍ସବ ଶୁକ୍ରବାର ରାତିରେ ଉଦ୍ଯାପିତ ହୋଇଯାଇଛି। ଏହି ମହୋତ୍ସବରେ ଆଖପାଖ ଗ୍ରାମର ରାମଲୀଳା ସଂଘ ପକ୍ଷରୁ ଭିନ୍ନ ଭିନ୍ନ ବିଷୟର ରାମଲୀଳା ପରିବେଷଣ କରାଯାଇଥିଲା। ଅନ୍ତିମ ଦିନରେ ଆୟୋଜକ ରଘୁନାଥ ଜୀଉ ନାଟ୍ୟସଂଘ ରାମଲୀଳା ପରିବେଷଣ କରିଥିଲେ। ଅନୁଷ୍ଠାନର କାର୍ଯ୍ୟକାରୀ ସଭାପତି ତ୍ରିଲୋଚନ ପ୍ରଧାନଙ୍କ ପୌରୋହିତୟରେ ଅନୁଷ୍ଠିତ ଉଦ୍ଯାପନୀ ଉତ୍ସବରେ ଖ୍ୟାତନାମା ସିନେ ସଂଗୀତ ନିର୍ଦ୍ଦେଶକ ବିକାଶ ଶୁକ୍ଳ ମୁଖ୍ୟଅତିଥି ଭାବେ ଯୋଗଦେଇ ରାମଲୀଳା ପରି ଏକ ପୌରାଣିକ ଲୋକକଳାକୁ ଦୀର୍ଘ ୭୫ବର୍ଷ ଧରି ବଞ୍ଚାଇ ରଖିଥିବାରୁ ରଘୁନାଥ ଜୀଉ ରାମଲୀଳା ନାଟ୍ୟ ସଂଘ ଧନ୍ୟବାଦର ପାତ୍ର ବୋଲି କହିବା ସହ ଏହା ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ ହେବ ବୋଲି ଆଶାବ୍ୟକ୍ତ କରିଥିଲେ। ରାମଲୀଳା ମହାସଂଘ ସଭାପତି ରୁଦ୍ରଚରଣ ମହାନ୍ତି, ବର୍ଷିୟାନ କଳାକାର ତଥା ରାମଲୀଳା ନିର୍ଦ୍ଦେଶକ ସଦାନନ୍ଦ ସାହୁ, ବସନ୍ତ କୁମାର ବେହେରା ପ୍ରମୁଖ ଯୋଗଦେଇ ରାମଲୀଳା ପରିବେଷଣ କରିଥିବା ଜଗନ୍ନାଥ ଜୀଉ ରାମଲୀଳା ସଂଘ, କନ୍ତୋଲର ମା ଚଣ୍ଡି ଯୁବକଳା ପରିଷଦ କଦଳୀବାଡିର ଅମରେଶ୍ୱର ରାମଲୀଳା ସଂଘ, ଆଙ୍କୁଲା ରାମଲୀଳା ସମିତି, ଲକ୍ଷ୍ମୀନାରାୟଣପୁର ରାମଲୀଳା ସଂଘ, ଗୁଣ୍ଡିଚାପୁର ରାମଲୀଳା ସଂଘକୁୁ ସମ୍ବଦ୍ଧିତ କରିଥିଲେ। ଆୟୋଜକ ସଂଘର ବରିଷ୍ଠ ସଦସ୍ୟ ପ୍ରଦୀପ୍ତ କୁମାର ଦାସ ମଞ୍ଚ ପରିଚାଳନା କରିଥିବା ବେଳେ ସଂପାଦକ ସୁଧାଂଶୁ ଶେଖର ଦଳାଇ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article