ନୂଆଦିଲ୍ଲୀ : ସୁଧହାର ବଢାଇଲା ଇପିଏଫଓ ।୨୦୨୨-୨୩ ଆର୍ଥିକ ବର୍ଷ ପାଇଁ ୮.୧୫ ପ୍ରତିଶତକୁ ବଢିଲା ସୁଧହାର। ସେଣ୍ଟ୍ରାଲ ବୋର୍ଡ ଅଫ୍ ଟ୍ରଷ୍ଟି ସୁଧହାର ବୃଦ୍ଧି ନିଷ୍ପତ୍ତି ନେଇ ଥିବା ନେଇ ମଙ୍ଗଳବାର ସୂଚନା ମିଳିଛି। କର୍ମଚାରୀ ଭବିଷ୍ୟ ନିଧି ସଙ୍ଗଠନ (ଇପିଏଫଓ) କର୍ମଚାରୀ ପ୍ରୋଭିଡେଣ୍ଟ ଫଣ୍ଡ୍ (ଇପିଏଫ)ର ସୁଧ ହାର ୨୦୨୨-୨୩ ପାଇଁ ବୃଦ୍ଧି କରିଛି। ପୂର୍ବରୁ ଇପିଏଫଓର ସୁଧ ହାର ୮.୦୧ ପ୍ରତିଶତ ଥିବା ବେଳେ ବର୍ତ୍ତମାନ ଏହା ୮.୧୫ ପ୍ରତିଶତ ହୋଇ ଥିବା ନେଇ ଖବର ମିଳିଛି। ଇପିଏଫଓର ନିଷ୍ପତ୍ତି ଗ୍ରହଣକାରୀ ସଂସ୍ଥା କେନ୍ଦ୍ରୀୟ ଟ୍ରଷ୍ଟ ବୋର୍ଡ ୨୦୨୨-୨୩ ପାଇଁ ଇପିଏଫ ଉପରେ ୮.୧୫ ପ୍ରତିଶତ ସୁଧହାର ପ୍ରଦାନ କରିବାକୁ ନିଷ୍ପତ୍ତି ନେଇଛି। ଅର୍ଥ ମନ୍ତ୍ରଣାଳୟର ଅନୁମୋଦନ ପାଇବା ପରେ ଇପିଏଫଓ ଜମା ଉପରେ ସୁଧହାର ଅନୁମୋଦନ କରିଥାଏ।
ଇପିଏଫଓ ଏହାର ଅଂଶୀଦାରମାନଙ୍କୁ ୨୦୧୬-୧୭ ରେ ୮.୬୫ ପ୍ରତିଶତ ଏବଂ ୨୦୧୭-୧୮ ରେ ୮.୫୫ ପ୍ରତିଶତ ସୁଧ ଦେଇଛି । ୨୦୧୫-୧୬ ରେ ସୁଧ ହାର ୮.୮ ପ୍ରତିଶତ ଥିଲା । ୨୦୧୩-୧୪ ଏବଂ ୨୦୧୪-୧୫ରେ ଇପିଏଫଓ ୮.୭୫ ପ୍ରତିଶତ ସୁଧ ଦେଇଥିଲା, ଯାହା ୨୦୧୨-୧୩ରେ ୮.୫ ପ୍ରତିଶତରୁ ଅଧିକ ଥିଲା । ୨୦୧୧-୧୨ ରେ ସୁଧ ହାର ୮.୨୫ ପ୍ରତିଶତ ଥିଲା ।
