ଧର୍ମଗଡ଼ : ଟିକସ ଫାଙ୍କି ଅଭିଯୋଗରେ ଧର୍ମଗଡ଼ ସହର ଚାରିଛକ ସ୍ଥିତ ଚିଦାନନ୍ଦ ଇଲେକ୍ଟ୍ରୋନିକ୍ସରେ ଜିଏସଟି ଚଢ଼ଉ କରାଯାଇଥିଲା। ଦିନ ୧୨ଟାରୁ ରାତି ୯ଟା ଯାଏଁ ଚଢ଼ଉ ଜାରି ରହିଥିଲା। ଜନୈକ ବ୍ୟକ୍ତିଙ୍କ ଅଭିଯୋଗ ଆଧାରରେ ଏହି ଚଢଉ କରାଯାଇଥିବା ଜଣାପଡ଼ିଛି। ଅଭିଯୋଗକୁ ଭିତ୍ତି କରି ଜିଏସଟି କମିଶନଙ୍କ ନିର୍ଦ୍ଦେଶ କ୍ରମେ ଜିଏସଟି ବିଭାଗ ପକ୍ଷରୁ ଦିନ ୧୨ଟାରୁ ରେଡ୍ ଜାରି ରହିଥିଲା । ଅଧିକାରୀ ମାନେ ଦୋକାନର ଟିକିନିଖି ହିସାବ ସହ ତା’ର ବିଭିନ୍ନ କାରବାର ନେଇ ଅଧିକାରୀମାନେ ଖୋଳତାଡ଼ କରିବା ସହ କିଛି ରସିଦ ବହି ସାଙ୍ଗରେ ନେଇଥିବା ଜଣାପଡିଛି ଏବଂ ଆସନ୍ତା ୪ତାରିଖ ଦିନ ଚିଦାନନ୍ଦ ଇଲେକ୍ଟ୍ରୋନିକ୍ସର ମାଲିକଙ୍କୁ ନିଜ ପକ୍ଷ ରଖିବାକୁ ଡକା ଯାଇଥିବା ଜିଏସଟି ଡେପୁଟି କମିଶନର ତଥା ଜିଏସଟି ଏନଫୋର୍ସମେଣ୍ଟ ଦଳର ମୁଖ୍ୟ ସମୀର କୁମାର ମାଝି ପ୍ରକାଶ କରିଛନ୍ତି। କେତେ ପରିମାଣର ଟିକସ ଫାଙ୍କି ହୋଇଛି ସେନେଇ ଶ୍ରୀ ମାଝୀ ସ୍ପଷ୍ଟ କରି ନାହାଁନ୍ତି। ଏହି ଚଢଉରେ ସିଟିଓ ପ୍ରବୀଣ କୁମାର ବର୍ଗତ୍ତି,ସିଟିଓ ପାରେଶ୍ଵର ସାହୁ, ଅତିରିକ୍ତ ସିଟିଓ ଶ୍ରୀକାନ୍ତ କୁମାର ପଣ୍ଡା, ଏଏସଟିଓ ଟଙ୍କଧର ସାହୁ, ଏଏସଟିଓ ସୁଧାଂଶୁ ଶେଖର ବେହେରା ଏବଂ ଏଏସଟିଓ ଧରଣୀଧର ବେହେରା ପ୍ରମୁଖ ସାମିଲ ହୋଇଥିଲେ।
Popular Categories
Previous article
Next article