ହରଭଙ୍ଗା : ହରଭଙ୍ଗା ଭଳି ଛୋଟ ଗାଁର ଏକ ଗରିବ ପରିବାରରେ ତାଙ୍କର ଜନ୍ମ। ଛୋଟବେଳୁ ପାଠପଢିବା ଏବଂ ଚିତ୍ରଆଙ୍କିବାରେ ତାଙ୍କର ରହିଛି ଅହେତୁକ ଦୁର୍ବଳତା। ବିନା ପ୍ରଶିକ୍ଷଣରେ ସେ ପେନସିଲମୁନରେ ଆଙ୍କୁଛନ୍ତି ଅବିକଳ ଜୀବନ୍ତ ଚିତ୍ର। ଯେକେହି ତାଙ୍କର ଚିତ୍ରକଳା ଦେଖିଲେ ଆଶ୍ଚର୍ଯ୍ୟ ହେବା ସହିତ ପ୍ରଂଶସାରେ ପୋତି ପକାଉଛନ୍ତି ତାଙ୍କୁ। ଏଭଳି ଜଣେ ଚିତ୍ରକାର ହେଉଛନ୍ତି ବୌଦ୍ଧ ଜିଲ୍ଲା ହରଭଙ୍ଗା ଦଳିତ ସାହିର ବାସିନ୍ଦା ସମ୍ବାରୁ ନାଏକ।
ସମ୍ବାରୁଙ୍କ ପରିବାର କହିଲେ ମାଆ ପ୍ରାଣେସ୍ୱରୀ ନାଏକ ,ପିତା ଶରତ ନାଏକ ,ଦୁଇ ଭାଇ ବାବୁଲି ଏବଂ ବବଲୁକୁ ନେଇ ତାଙ୍କ ଛୋଟ ପରିବାର। ଦୀର୍ଘ ୧୦ବର୍ଷତଳେ କାମ କରିବାକୁ ଚେନ୍ନାଇ ଯାଇଥିବା ପୁଅ ବାବୁଲିକୁ ଖୋଜିବାକୁ ଯାଇ ବାପା ଶରତ ନିଖୋଜ ଅଛନ୍ତି। ସେଦିନଠାରୁ ପରିବାର ବୋଝ ସମ୍ବାରୁଙ୍କ ଉପରେ।ବହୁ ବାଧାବିଘ୍ନ ସତ୍ୱେ ସେ ବର୍ତମାନ ଅନୁଗୋଳ ଛେଣ୍ଡିପଦାରେ ସି.ଟି କରୁଥିବା ଜଣାପଡିଛି।
ସମ୍ବାରୁ ଷଷ୍ଠ ଶ୍ରେଣୀରୁ ଚିତ୍ର ଆଙ୍କୁଛନ୍ତି। ଉତ୍କଳମଣି ପଣ୍ଡିତ ଗୋପବନ୍ଧୁ ଦାସ,ପଦ୍ମଶ୍ରୀ ହଳଧର ନାଗ,ବି.ଆର ଆମ୍ବେଦକର ,କ୍ରିକେଟର ବିରାଟ କୋହଲି, ଅଭିନେତା ମିହିର ଦାସ,ରାଇମୋହନ ପରିଡା,ମନ୍ତ୍ରୀ ପ୍ରଦୀପ କୁମାର ଅମାତ୍ ଏବଂ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଭଳି ବହୁ ମାନ୍ୟଗଣ୍ୟ ବ୍ୟକ୍ତିଙ୍କ ଫଟୋକୁ ଅବିକଳ ଜୀବନ୍ତ ଭାବେ ପେନସିଲ ମୁନରେ ଆଙ୍କି ନିଜ ପ୍ରତିଭାର ପରିଚୟ ସୃଷ୍ଟି କରିଛନ୍ତି।
ବିନା ପ୍ରଶିକ୍ଷଣରେ ସମ୍ବାରୁଙ୍କ ଏହି ଚିତ୍ରକଳା ପ୍ରତି ରୁଚି ଥିବା ଦେଖିଲେ ବଣ ମଲ୍ଲି ବଣରେ ରହି ମଉଳିଯିବା ଆଶଙ୍କା ରହିଛି।
ତେଣୁ ସମ୍ବାରୁଙ୍କ ଚିତ୍ରକଳା ଲୋକାଭିମୁଖୀ କରିବା ପାଇଁ ଜିଲ୍ଲାପ୍ରଶାସନ ପକ୍ଷରୁ ସମସ୍ତ ପ୍ରକାର ସହଯୋଗ ଯୋଗାଇଦେଲେ ବୌଦ୍ଧ ଭଳି ଅନୁନ୍ନତ ଜିଲ୍ଲା ସମ୍ବାରୁ ପାଇଁ ଦିନେ ଗୌରାବନ୍ୱିତ ହୋଇପାରନ୍ତା ବୋଲି ବୁଦ୍ଧିଜୀବି ଜ୍ୟୋର୍ତୀମୟ ଦାସ,ପ୍ରକାଶ ବେହେରା ପ୍ରମୁଖ ଦାବୀ କରିଛନ୍ତି। ଏ ଦିଗରେ ଜିଲ୍ଲାପାଳ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବୀ ହେଉଛି।
ସମ୍ବାରୁଙ୍କ ମୁହଁରୁ ପଦେ——
ସ୍କୁଲ ସମୟରୁ ଚିତ୍ର ଆଙ୍କିବାରେ ମୋର ରୁଚି ରହିଛି। ଏଥିପାଇଁ ସ୍କୁଲ କଲେଜ ବର୍ତମାନ ସି.ଟି ତାଲିମ କେନ୍ଦ୍ରରେ ବହୁବାର ପୁରସ୍କୃତ ହୋଇଛି। ଚିତ୍ରକଳା ପ୍ରଶିକ୍ଷଣ ପାଇଁ ଅନଲାଇନ ପାଠପଢା ସୁବିଧା ରହିଛି। ଏଥିପାଇଁ ମୋତେ ସରକାରୀ ପ୍ରୋତ୍ସାହନ ମିଳିଲେ ମୁଁ ଆଗକୁ ଏଥିରେ ନିଜର କ୍ୟାରିୟର ଗଢି ମାଆ ମାଟିର ଟେକ ରଖିପାରନ୍ତି।
Comments are closed.