କଲ୍ୟାଣସିଂହପୁର: ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାରେ ରାଜ୍ୟର ଗରିବ ପରିବାରଙ୍କୁ ମୁଣ୍ଡପିଛା ୫କେଜି ଚାଉଳ ଯୋଗାଣରୁ ବଞ୍ଚିତ କରାଯାଇଥିବା ନିଷ୍ପତ୍ତି ବିରୋଧରେ ବିଜେଡି ପକ୍ଷରୁ ପ୍ରତିବାଦ ଜାରି ରହିଛି। ବୁଧବାର ଓ ଆଜି ପ୍ରତ୍ୟେକ ପଞ୍ଚାୟତ ସମିତି, ପୌରାଞ୍ଚଳ ଓ ଜିଲା ମୁଖ୍ୟାଳୟରେ ଧାରଣା ଦେବା ସହ ପ୍ରତିବାଦ ସଭା ଓ ବିକ୍ଷୋଭ ପ୍ରଦର୍ଶନ କରିବା ପାଇଁ ଡାକରା ଦିଆଯାଇଛି। ଏହି ପରିପ୍ରେକ୍ଷୀରେ ଗୁରୁବାର କଲ୍ୟାଣସିଂହପୁର ବିଜେଡି ବ୍ଲକ ସଭାପତି ସୁନ୍ଦର ରାଓ ବାଗଙ୍କ ନେତୃତ୍ୱରେ ବହୁ କର୍ମୀ ଉପସ୍ଥିତ ରହି ପ୍ରତିବାଦ ସଭା ସହ ବିକ୍ଷୋଭ ପ୍ରଦର୍ଶନ କରିଛନ୍ତି। ଏକ ଦାବିପତ୍ର ନେଇ ବିଡିଓ ସୁନୀଲ ଖରା ଅନୁପସ୍ଥିତ ରହିଥିବାରୁ ବରିଷ୍ଠ କିରାଣୀ ବିଶ୍ୱନାଥ ଗମାଙ୍ଗଙ୍କୁ ପ୍ରଦାନ କରିଛନ୍ତି। ଏଥିରେ ବୃନ୍ଦାବନ ପାଢ଼ୀ, ଶଙ୍କର ହୁଈକା, ଗେଦାଲି ଶ୍ରୀନୁ, ଏମ୍ ଧର୍ମେନ୍ଦ୍ର, ରାଜୀବ ନାୟକ, ପ୍ରମୁଖ ଦଳୀୟ କର୍ମୀ ଓ ନେତା ଉପସ୍ଥିତ ଥିଲେ।
Comments are closed.