ନବରଙ୍ଗପୁର: ଓଡ଼ିଶା ବିଧାନସଭାକୁ ଲଗାତାର ୯ଥର ନିର୍ବାଚିତ ହୋଇ ବିଧାୟକ, ଦୀର୍ଘ ୧୪ ବର୍ଷ ମନ୍ତ୍ରୀ, ଅସ୍ଥାୟୀ ବାଚସ୍ପତି ଜନାନ ହବିବୁଲ୍ଲା ଖାଁଙ୍କର ନବମ ଶ୍ରାଦ୍ଧ ବାର୍ଷିକୀ ସଭା ତଥା ଦଶମ ମହାପ୍ରୟାଣ ଦିବସ ପାଳନ କରାଯାଇଛି। ନବରଙ୍ଗପୁର ସ୍ଥିତ ଶାସ୍ତ୍ରୀ ଭବନ ଠାରେ ସର୍ବ ଦଳୀୟ ସମାବେଶ ଆୟୋଜନ କରାଯାଇଥିଲା।ଏହି କାର୍ୟ୍ୟକ୍ରମ ର ଆବାହକ ସ୍ଵାଧୀନତା ସଂଗ୍ରାମୀ ସହିତ ସ୍ମୁତି ସଂସଦ ର କାର୍ୟ୍ୟକାରୀ ସଭାପତି ତଥା ଜିଲା କଂଗ୍ରେସ କମିଟି ସଭାପତି ମୁନା ତ୍ରିପାଠୀ ସଭାରେ ଅଧ୍ୟକ୍ଷତା କରିଥିଲେ। ସ୍ବର୍ଗତ ଖାଁଙ୍କ ମନ୍ତ୍ରିତ୍ଵ ସମୟରେ କରିଥିବା ଉଲ୍ଲେଖନୀୟ ଅବଦାନ, ରାଜନୈତିକ ପାରଦର୍ଶିତା ଓ ବିଚକ୍ଷଣ କୂଟନୀତି ଉପରେ ସଭାରେ ଆଲୋଚନା କରାଯାଇଥିଲା। ଜିଲା ଭିତ୍ତିକ ସରକାରୀ ଚାକିରୀ ଓ ବିଭିନ୍ନ ମନ୍ତ୍ରୀ ଥିବା ସମୟରେ ବିଭିନ୍ନ ବିଭାଗର ଚାକିରିକୁ ଅବିଭକ୍ତ କୋରାପୁଟ ଜିଲାର ପିଲାମାନେ କିପରି ପାଇଥିଲେ ତାହା ଉପରେ ବକ୍ତାମାନେ ଆଲୋଚନା କରିଥିଲେ। ଯେଉଁମାନେ ତାଙ୍କ ସ୍ମୁତି ପ୍ରତି ଶ୍ରଦ୍ଧା ସୁମନ ଅର୍ପଣ କରିଥିଲେ ସେମାନଙ୍କ ମଧ୍ୟରେ ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ, ପୂର୍ବତନ ବିଧାୟକ ସଦନ ନାୟକ, ପୂର୍ବତନ ଜିଲା ପରିଷଦ ସଭାପତି ମଞ୍ଜୁଳା ମାଝୀ, ପୌର ପରିଷଦ ନଗରପାଳ କୁନୁ ନାୟକ, ବିଜୁ ଜନତା ଦଳ ବରିଷ୍ଠ ନେତା ନାରାୟଣ ପାତ୍ର, ଜିଲା ପରିଷଦ ସଭ୍ୟା ଲିପିକା ମାଝୀ, ପୂର୍ବତନ ପୌରପାଳ ଅର୍ଜୁନ ତ୍ରିପାଠୀ ଉପସ୍ଥିତ ଥିଲେ।
Popular Categories
Previous article
Next article