ସମ୍ବଲପୁର : ସମ୍ବଲପୁର ଜିଲା ଧନକଉଡା ବ୍ଲକ ଅର୍ନ୍ତଗତ ବସନ୍ତପୁର ଗ୍ରାମ ପଞ୍ଚାୟତ ଅଧିନରେ ଥିବା ବୁଡି ଅଞ୍ଚଳର କ୍ଷୁଦ୍ର ଓ ନାମ ମାତ୍ର ଚାଷୀ ମାନେ ଧାନର ଅଭାବୀ ବିକ୍ରି ସମସ୍ୟାର ସମାଧାନ ପାଇଁ ଦାବି କରିଛନ୍ତି । ଜିଲା ପ୍ରଶାସନକୁ ଶୁକ୍ରବାର ଦେଇଥିବା ଦାବିପତ୍ର ଅନୁଯାୟୀ, ପିଢ଼ି ପରେ ପିଢ଼ି ଧରି ଜମିର ଖଜଣା ପଇଠ କରି ଚାଷରୁ ଉତ୍ପାଦିତ ଧାନକୁ ବିକ୍ରି କରି ପରିବାର ପୋଷଣ କରି ଆସୁଛନ୍ତି । କରଡୋଲା ସମବାୟ ସମିତି ମାଧ୍ୟମରେ ପଞ୍ଜିକରଣ କରାଇ ମଣ୍ଡୀରେ ୨୦୨୧ ମସିହା ଖରିଫ ଋତୁ ପର୍ଯ୍ୟନ୍ତ ସରକାରୀ ମୂଲ୍ୟରେ ବିକ୍ରି କରି ଆସୁଥିଲେ । କିନ୍ତୁ ରବି ଋତୁର ଧାନ ଅମଳ ସମୟରେ ଧାନ ବିକ୍ରି ନିମନ୍ତେ ସମସ୍ତ ନଥି ପତ୍ର ଓ ଖଜଣା ପଇଠ ସତ୍ୱେ ବସନ୍ତପୁର ଗ୍ରାମ ପଞ୍ଚାୟତର ବସନ୍ତପୁର, ସାହଜବାହାଲ, ଗଡମୁଣ୍ଡା, ସତିଯୋର, ରେଙ୍ଗାଲିପାଲି, ତାଳପଦର ଗ୍ରାମର ଚାଷୀ ମାନେ ଉତ୍ପାଦିତ ଧାନକୁ ବିକ୍ରି କରି ନ ପାରି ଶାଗ ମାଛ ମୂଲ୍ୟରେ ଅଭାବୀ ବିକ୍ରି କରିବାକୁ ବାଧ୍ୟ ହେଉଛନ୍ତି । ଚାଷ ସେମାନଙ୍କର ମୁଖ୍ୟ ଆୟର ସ୍ରୋତ ହୋଇଥିବାରୁ ଚାଷୀ ମାନେ ଅଭାବୀ ବିକ୍ରି ପାଇଁ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏଣୁ ଲାଗି ରହିଥିବା ସମସ୍ୟା ଗୁଡିକର ସମାଧାନ ପାଇଁ ସେମାନେ ଦାବି କରିଛନ୍ତି । ଅତିରିକ୍ତ ଜିଲାପାଳ (ରାଜସ୍ୱ) ଅଜମ୍ବର ମହାନ୍ତିଙ୍କୁ ପ୍ରଦତ୍ତ ଦାବିପତ୍ରରେ ବସନ୍ତପୁର ସରପଞ୍ଚ ସିତା କରାଲି, ଦିଲିପ କୁମାର ଦୁରିଆ, ବଲରାମ ପ୍ରଧାନ ଙ୍କ ସମେତ ଚାଷୀ ମାନଙ୍କର ଦସ୍ତଖତ ରହିଛି ।
Popular Categories
Previous article
Next article