ଟିଟିଲାଗଡ଼: ଆଇନ ସଚେତନତା ମାଧ୍ୟମରେ ନାଗରିକ ସଶକ୍ତିକରଣ ନେଇ ଟିଟିଲାଗଡ଼ ତାଳୁକ ଆଇନ ସେବା ସମିତି ପକ୍ଷରୁ ୩୧ ଅକ୍ଟୋବରରୁ ୧୩ ନଭେମ୍ବର ପର୍ଯ୍ୟନ୍ତ ଚାଲିଥିବା ଅଭିଯାନ ପରିପ୍ରେକ୍ଷୀରେ ବ୍ଳକ ଅନ୍ତର୍ଗତ ମନିଗାଁ ପଞ୍ଚାୟତ କାର୍ଯ୍ୟାଳୟ ପରିସରରେ ରବିବାର ସଚେତନତା ସଭା ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ଟିଟିଲାଗଡ଼ ଅତିରିକ୍ତ ଜିଲା ଦୌରା ଏବଂ ସେସନ ଜଜ ରାଜକିଶୋର ମହାପାତ୍ର, ସିନିୟର ଡିଭିଜନ ସିଭିଲ ଜଜ ଯୋଗଦେଇ ଆପୋଷ ଆଲୋଚନା ମାଧ୍ୟମରେ ନାଗରିକ ନିଜ ବିବାଦ ତୁଟାଇବାକୁ ପ୍ରାଥମିକତା ଦେବା ଉଚିତ। ଯଦି ସମାଧାନ ବାଟ ନଫିଟିବ ତେବେ ଅଦାଲତ ରହିଛି। ଅସହାୟଙ୍କ ପାଇଁ ମାଗଣା ଓକିଲ, ସମସ୍ତ କାଗଜପତ୍ର ଖର୍ଚ୍ଚ ଅଦାଲତ ବ୍ୟବସ୍ଥା କରିବେ। ଏନେଇ କେହି ସମ୍ବଳ ଅଭାବରୁ ନ୍ୟାୟରୁ ବଞ୍ଚିତ ହେବେ ନାହିଁ ବୋଲି କହିଥିଲେ। ସରପଞ୍ଚ ମାଦ୍ରୀ ଲେଗାଲ ରିଟେନର ପାନେଲ ସଦସ୍ୟ ଜୟନ୍ତ ପଣ୍ଡା, ସୁରେନ ପଣ୍ଡା, ଟିକେରାମ ସାହୁ, ପ୍ରଫୁଲ୍ଲ ବିଶି, ପିଏଲଭି ମହତାବ ଦୀପ, ପରମାନନ୍ଦ ତାଣ୍ଡି, ଚିତ୍ର ଦୀପ, ସରୋଜ ସାହୁ, ପୂର୍ବତନ ସରପଞ୍ଚ ମୁନିରାମ ଖରସେଲ, ଚିତ୍ର ଦୀପ, ପ୍ରଫୁଲ୍ଲ ପ୍ରଧାନୀ ପ୍ରମୁଖ ଉପସ୍ଥିତ ଥିଲେ।
Comments are closed.