ନୂଆଦିଲ୍ଲୀ : ୨୦୦୦ ମସିହାରେ ଲାଲକିଲ୍ଲାରେ ପ୍ରବେଶ ପୂର୍ବକ ଆଖିବୁଜା ଗୁଳିଚାଳନା କରି ୨ ସେନା ଯବାନଙ୍କ ସହ ୩ଜଣଙ୍କୁ ହତ୍ୟା କରିଥିବା ଅଭିଯୋଗରେ ଗିରଫ ହୋଇଥିଲା ଲସ୍କର-ଇ-ତୋଇବାର ଆତଙ୍କବାଦୀ ମହମ୍ମଦ ଆରିଫ୍ ଓରଫ୍ ଅସଫାକ୍।
ଏହି ଘଟଣାର ବିଚାର କରି ପୂର୍ବରୁ ସୁପ୍ରିମକୋର୍ଟଙ୍କ ଏକ ପୀଠ ଅସଫାକ୍କୁ ମୃତ୍ୟୁଦଣ୍ଡ ଦେଇଥିବା ବେଳେ ଏହି ରାୟ ବିରୋଧରେ ସେ ଏକ ରିଭ୍ୟୁ ପିଟସନ୍ ଦାଖଲ କରିଥିଲା। ରିଭ୍ୟୁ ପିଟିସନ୍ର ଶୁଣାଣି କରୁଥିବା ପ୍ରଧାନ ବିଚାରପତି ୟୁୟୁ ଲଳିତ ଓ ବିଚାରପତି ବେଲା ଏ. ତ୍ରିବେଦୀଙ୍କ ପୀଠ ଅସଫାକ୍ର ରିଭ୍ୟୁ ପିଟସନ୍କୁ ଖାରଜ କରି ଦେବା ସହ ମୃତ୍ୟୁଦଣ୍ଡକୁ କାଏମ ରଖିଛନ୍ତି। ନିଜ ରାୟରେ ପୀଠ ଦର୍ଶାଇଛନ୍ତି ଅସଫାକ୍ ଗୁଳି କରି ୩ଜଣଙ୍କୁ ହତ୍ୟା କରିଥିବା ନେଇ ବଳିଷ୍ଠ ପ୍ରମାଣ ରହିଛି। ପ୍ରମାଣ ଆଧାରରେ ପୂର୍ବରୁ ତାକୁ ମୃତ୍ୟୁଦଣ୍ଡ ଦିଆଯାଇଥିବାରୁ ତାହା ଯୁକ୍ତିଯୁକ୍ତ।
ଆତଙ୍କବାଦୀର ମୃତ୍ୟୁଦଣ୍ଡ କାଏମ ରଖିଲେ ସୁପ୍ରିମକୋର୍ଟ
Popular Categories
Previous article
Next article