ମୁମ୍ବାଇ .- ଆବୁଧାବିରୁ ଜାକାର୍ତ୍ତା ଯାଉଥିବା ବେଳେ ଏକ ବିମାନରେ ଜଣେ ମହିଳା ଏକ ଶିଶୁକୁ ଜନ୍ମ ଦେଇଛନ୍ତି । ଇତିହାଦ୍ ଏୟାରଲାଇନ୍ସର ଏକ ବିମାନରେ ଏହି ଘଟଣା ଘଟିଛି । ବିମାନ ମଧ୍ୟରେ ମହିଳାଙ୍କର ପ୍ରସବ ବେଦନା ଆରମ୍ଭ ହୋଇଥିଲା । ଏହାପରେ ଆକାଶରେ ବିମାନର ଗତି ପଥ ବଦଳାଇ ମୁମ୍ବାଇ ଆଡକୁ କରାଯାଇଥିଲା । ହେଲେ ବିମାନ ମଧ୍ୟରେ ସେ ଏକ ଶିଶୁ କନ୍ୟାକୁ ଜନ୍ମ ଦେଇଥିଲେ ।
ଆରବ ସାଗର ଉପରେ ଥିବା ବେଳେ ସେ ଶିଶୁ କନ୍ୟାକୁ ଜନ୍ନ ଦେଇଥିଲେ। ମୁମ୍ବାଇ ବିମାନ ବନ୍ଦରେ ଅବତରଣ କରିବା ପରେ ମହିଳା ଓ ଶିଶୁକୁ ବିମାନ ବନ୍ଦର ନିକଟସ୍ଥ ସେଭେନ ହିଲ୍ସ୍ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏବେ ମାଆ ଓ ଶିଶୁ ଉଭୟଙ୍କର ସ୍ୱାସ୍ଥ୍ୟାବସ୍ଥା ଭଲ ଥିବା କଥା ଜଣା ପଡିଛି ।
