ଗୋପାଳପୁର: ଗୋଳନ୍ଥରା ଥାନା ପୁଲିସ ଏହି ଥାନା ଅନ୍ତର୍ଗତ ଆର. ସୁବାଣୀ ଗାଁରେ ଏକ ଘର ମଧ୍ୟରେ ବେଆଇନ ଭାବରେ ଗଛିତ ଥିଵା ସାଢେ ଚାରି ଲକ୍ଷ ବାଣ ଜବତ କରିଥିବା ସୂଚନା ମିଳିଛି। ବାଣ ରଖିଥିବା ଅଭିଯୋଗରେ ୨ ଯୁବକଙ୍କୁ ଥାନାରେ ଅଟକ ରଖି ପୋଲିସ ପଚାରା ଉଚରା କରୁଛି। ଗତକାଲି ଅପରାହ୍ନ ୪ଟା ବେଳେ ବିଶ୍ୱସ୍ତ ସୂତ୍ରରୁ ଖବର ପାଇ ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ମହନ୍ତ ଏକ ପୋଲିସ ଟିମ ସହ ଆର. ସୁବାଣୀ ଛକ ଠାରୁ କିଛି ଦୂରରେ ଏକ ଘରେ ଚଢ଼ାଉ କରିଥିଲେ। ସେଠାରୁ ବିପୁଳ ପରିମାଣରେ ବାଣ ଜବତ କରିଥିଲେ। ଯାହାର ଆନୁମାନିକ ମୂଲ୍ୟ ସାଢେ ୪ ଲକ୍ଷ ହେବ ବୋଲି ଜଣାପଡିଛି। ଏ ନେଇ ଗୋଳନ୍ଥରା ଥାନାରେ ଏକ ମାମଲା ରୁଜୁ କରିବା ସହ ବେଆଇନ ଭାବେ ବାଣ ବିକ୍ରି ପାଇଁ ରଖିଥିବା ଅଭିଯୋଗରେ ପୋଲିସ ଦୁଇ ଜଣଙ୍କୁ ଅଟକ ରଖିଛି। ଜବତ ହୋଇଥିବା ବାଣ ଗୁଡିକୁ ଏକ ଟ୍ରାକ୍ଟରରେ ବୋହି ଥାନାକୁ ଅଣା ଯାଇଥିଲା।
Popular Categories
Previous article
Next article