ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଝିଲିମିଣ୍ଡା ଗ୍ରାମର ରମେଶ କୁମାର ବଢେଇ ରାଜ୍ୟସଭା ସାଂସଦ ନିରଞ୍ଜନ ବିଶିଙ୍କ ଅତାବିରା ବ୍ଲକ ପ୍ରତିନିଧି ରୂପେ ମନୋନୀତ ହୋଇଛନ୍ତି । ସାଂସଦ ଶ୍ରୀଯୁକ୍ତ ବିଶି ଅତାବିରା ଗୋଷ୍ଠୀ ଉନ୍ନୟନ ଅଧିକାରୀ ପ୍ରମୋଦ ଚନ୍ଦ୍ର ମେହେରଙ୍କୁ ଦେଇଥିବା ଏକ ପତ୍ର ସଂଖ୍ୟା ୧୯୨/୧୦/୨୦୨୨ରେ ଏହା ଉଲ୍ଲେଖ ରହିଥିଲା । ଏହି ପତ୍ରଟିକୁ ଶ୍ରୀ ବଢେଇ ନିଜ ସମର୍ଥକ ମାନଙ୍କ ସହ ଅତାବିରା ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ମେହେରଙ୍କୁ ଏହି ପତ୍ର ପ୍ରଦାନ କରିବା ପରେ ସମର୍ଥକ ମାନଙ୍କ ମଧ୍ୟରେ ଉତ୍ସାହ ଦେଖାଦେଇଥିଲା । ଏହି ପତ୍ର ପ୍ରଦାନ ସମୟରେ ବ୍ଲକର ସରପଞ୍ଚ, ସମିତି ସଭ୍ୟ ସଭ୍ୟା ମାନେ ଉପସ୍ଥିତ ରହି ସ୍ଵାଗତ ଜଣାଇଥିଲେ । ଦାୟିତ୍ଵ ନେବା ପରେ ବିଭିନ୍ନ ଦିଗରେ ବ୍ଲକର ବିକାଶ ପାଇଁ କାର୍ଯ୍ୟ କରିବେ ବୋଲି ସେ ପ୍ରକାଶ କରିଛନ୍ତି । ଶ୍ରୀ ବଢେଇଙ୍କୁ ଏ ନେଇ ସ୍ଥାନୀୟ ବିଧାୟିକା ଶ୍ରୀମତୀ ସ୍ନେହାଙ୍ଗିନୀ ଛୁରିଆଙ୍କ ସମେତ ବିଭିନ୍ନ ମହଲରୁ ସ୍ଵାଗତ ଓ ଶୁଭେଚ୍ଛା ଜଣାଇଛନ୍ତି । ପ୍ରଥମ ଥର ପାଇଁ ଗ୍ରାମାଞ୍ଚଳର ଜଣେ ବ୍ୟକ୍ତି ପ୍ରତିନିଧି ରୂପରେ ମନୋନୀତ ହୋଇଥିବାରୁ ତାଙ୍କ ଗ୍ରାମର ଲୋକେ ମଧ୍ୟ ସ୍ଵାଗତ ଜଣାଇଛନ୍ତି । ତାଙ୍କୁ ପ୍ରତିନିଧି ରୂପରେ ମନୋନୀତ କରିଥିବାରୁ ଶ୍ରୀ ବଢେଇ ତାଙ୍କ ସମର୍ଥକ ମାନଙ୍କୁ ଧନ୍ୟବାଦ୍ ଦେବା ସହ କୃତଜ୍ଞତା ଜ୍ଞାପନ କରିଛନ୍ତି ।
Popular Categories
Previous article
Next article