କାମାକ୍ଷାନଗର: କାମାକ୍ଷାନଗର ଉପଖଣ୍ଡ ଭୁବନ ଥାନା ଅନ୍ତର୍ଗତ ମହୁଲପାଳ ଗ୍ରାମରେ ଶୁକ୍ରବାର ପୋଖରୀରେ ବୁଡି ଜଣେ ବୃଦ୍ଧଙ୍କର ମୃତ୍ୟୁ ହୋଇଥିବାର ଜଣାଯାଇଛି। ମହୁଲପାଳ ଗ୍ରାମର କହ୍ନେଇ ବେହେରା (୭୯) ପୋଖରୀକୁ ଶୌଚ ହେବାକୁ ଯାଇଥିଲେ। କିନ୍ତୁ ପୋଖରୀରେ କହେଁଇ ବୁଡି ଯାଇ ନିଖୋଜ ହୋଇଯାଇଥିଲେ। କହେଁଇ ଘରକୁ ଫେରିବାରେ ବିଳମ୍ବ ହେବାରୁ ବହୁ ଖୋଜା ଖୋଜି ପରେ ପୋଖରୀ ନିକଟରେ ତାଙ୍କର ଠେଙ୍ଗା ଦେଖି ଅଗ୍ନିଶମ କର୍ମଚାରୀଙ୍କୁ ଖବର ଦେଇଥିଲେ। ଖବର ପାଇ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି କହେଁଇଙ୍କ ମୃତଦେହ ଉଦ୍ଧାର କରିଥିଲେ। ପୁଲିସ ମୃତ ଦେହ ଜବତ ପରେ ବ୍ୟବଛେଦର ବ୍ୟବସ୍ଥା କରି ଏ ସଂକ୍ରାନ୍ତରେ ଏକ ମାମଲା ରୁଜୁ କରିଛି l
Comments are closed.