ପାଟଣା – କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡା ରେ ଘଟି ଯାଇଛି ଅଭାବନୀୟ ଘଟଣା । ଗଣ୍ଡବେଡା ଗ୍ରାମରେ ବିରଞ୍ଚି ବେହେରା ଙ୍କ ଘରେ ଘର ଜ୍ୱାଇଁ ଭାବେ ରହୁଥିବା ଘଟଗାଁ ଥାନା ପାଣପଶି ଗ୍ରାମର ବିନୋଦ ବେହେରା ଓରଫ୍ ରବି (୩୬) ବାଉଁଶ ଗଛରେ ଫାଶୀ ଲଗାଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।
ସୋମବାର ଘରେ କଳି ଝଗଡା ପରେ ସେ ବଜାର କୁ ଯାଇ ଆଉ ଘରକୁ ଫେରି ନଥିଲେ । ପରିବାର ଲୋକେ ଖୋଜାଖୋଜି କରିଥିଲେ ମଧ୍ୟ ତାଙ୍କୁ ପାଇ ନଥିଲେ। ମଙ୍ଗଳବାର ଘର ପଛ ପାଖରେ ଥିବା ଏକ ବାଉଁଶ ଗଛରେ ବିନୋଦ ଙ୍କ ମୃତଦେହ ଝୁଲୁଥିବା ଦେଖିବାକୁ ପାଇଥିଲେ । ଏନେଇ ପାଟଣା ଥାନା କୁ ଖବର ଦିଆଯିବା ପରେ ଘଟଣାସ୍ଥଳରେ ପୁଲିସ ପହଞ୍ଚି ଘଟଣାର ତଦନ୍ତ କରିବା ସହ ମୃତଦେହ କୁ ଜବତ କରି ବ୍ୟବଚ୍ଛେଦ କରାଇବା ସହ ତାଙ୍କ ପରିବାର କୁ ହସ୍ତାନ୍ତର କରିଛି।
