ବୌଦ୍ଧ: ବୌଦ୍ଧ ପୋଲିସ ମହାନଦୀ ବ୍ରିଜଛକ ନିକଟରୁ ଏକ ମିନିଟ୍ରକ ସହିତ ୭୫ କିଲୋ ଗଂଜେଇ ଜବତ କରିବା ସହିତ ମାମଲାରେ ଜଣକୁ ଗିରଫ କରିଥିବା ଜଣାଯାଇଛି। ମିଳିଥିବା ସୂଚନା ମୁତାବକ ବାଉଁଶୁଣୀ ପଟରୁ ବୌଦ୍ଧ କିଆକଟା ଦେଇ ଗଂଜେଇ ଚାଲାଣ କରାଯାଉଥିବା ବୌଦ୍ଧଥାନା ଅଧିକାରୀ ମାଧବାନନ୍ଦ ନାଏକ ବିଶ୍ୱସ୍ତ ସୁତ୍ରରୁ ସୂଚନା ପାଇଥିଲେ। ବୌଦ୍ଧଥାନାର ଏକ ଟିମ୍ ମହାନଦୀ ବ୍ରିଜଛକ ନିକଟରେ ବାଉଁଶୁଣୀ ପଟରୁ ଆସୁଥିବା ସମସ୍ତ ଯାନବାହାନ ଉପରେ ସତର୍କ ଦୃଷ୍ଟି ରଖିଥିବାବେଳେ ଏକ ମିନିଟ୍ରକକୁ ଅଟଳାଇ ଯାଞ୍ଚ କରିଥିଲେ। ମିନିଟ୍ରକ ମଧ୍ୟରେ ତିନୋଟି ଜରିବ୍ୟାଗରେ ଥିବା ଗଂଜେଇ ସହ ଗାଡିକୁ ଜବତ କରାଯିବା ସହିତ ଗାଡିଚାଳକ ତଥା ଅଭିଯୁକ୍ତ ବାଉଁଶୁଣୀ ଥାନା ମନକାମନ ଗ୍ରାମର କିଶୋର ମେହେର(୩୪)କୁ ଗିରଫ କରାଯାଇଥିଲା। ଜବତ ହୋଇଥିବା ଗଂଜେଇ ୭୫ କିଲୋ ବୋଲି ପୋଲିସ ପକ୍ଷରୁ ସୂଚନା ପ୍ରଦାନ କରାଯାଇଛି।
Comments are closed.