କଳାପଥର(ବାଙ୍କୀ): ଆଜି ସନ୍ଧ୍ୟାରେ ପ୍ରବଳ ବର୍ଷା ସହିତ ଝଡତୋଫାନ ଯୋଗୁ ସ୍ଥାନୀୟ ବୈଦ୍ୟେଶ୍ୱରସ୍ଥିତ ଉଦୟନାଥ ସରକାରୀ ଉଚ୍ଚ ବିଦ୍ୟାଳୟର ପାଚେରୀ ଭୁଷୁଡି ପଡିଥିଲା। ଏହି ସମୟରେ ସେହି ରାସ୍ତାରେ ଗାଁକୁ ଫେରୁଥିବା ଗୋରୁଗାଈଙ୍କ ଉପରେ ବୈଦେଶ୍ବର ହାଇସ୍କୁଲ ପାଚେରୀ ଭୁଷୁଡ଼ି ପଡ଼ିଥିଲା। ଫଳରେ ଘଟଣା ସ୍ଥଳରେ ୩୫ରୁ ଅଧିକ ଗୋରୁଗାଈଙ୍କର ମୃତ୍ୟୁ ହୋଇଥିବା ଜଣାପଡିଛି।
ବୈଦ୍ୟେଶ୍ୱର ଗାଁର ଗୋରୁପଲଙ୍କୁ ନେଇ ସବୁଦିନ ପରି ଗାଁର ଜୈନିକ ଗାଈ ଜଗୁଆଳ ନିକଟସ୍ଥ ଜଙ୍ଗଲକୁ ନେଇଥାଏ। ସନ୍ଧ୍ୟାରେ ଗୋରୁମାନଙ୍କୁ ଗାଁକୁ ଫେରାଇ ଆଣିଥାଏ। ତେବେ ସବୁଦିନ ପରି ଆଜି ସନ୍ଧ୍ୟାରେ ଗାଁର ଗୋରୁପଲ ବୈଦ୍ୟେଶ୍ୱରସ୍ଥିତ ଉଦୟନାଥ ସରକାରୀ ଉଚ୍ଚ ବିଦ୍ୟାଳୟ ପାଚେରୀ ବାଟଦେଇ ଘରକୁ ଫେରୁଥିଲେ। ସେହି ସମୟରେ ବୈଦ୍ୟେଶ୍ୱରସ୍ଥିତ ଉଦୟନାଥ ସରକାରୀ ଉଚ୍ଚ ବିଦ୍ୟାଳୟର ପାଚେରୀ ହଠାତ୍ ଭୂଷୁଡି ପଡିଥିଲା। ଫଳରେ ୩୫ରୁ ଅଧିକ ଗୋରୁଗାଈଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା।
ଏହି ଖବର ପାଇବା ପରେ କଳାପଥର ଦମକଳ ବାହିନୀ ଘଟଣା ସ୍ଥଳକୁ ଯାଇ ଭୁଷୁଡ଼ି ପଡ଼ିଥିବା ପାଚରୀର ପଥର ଗୁଡିକୁ ବାହାର କରିଥିଲେ। ସନ୍ଧ୍ୟା ହୋଇଯାଇଥିବାରୁ ମୃତ ଗୋରୁଗାଈ, ବାଛୁରୀ, ଛେଳି ଗୁଡିକୁ ବାହାର କରିବା ସମ୍ଭବ ହୋଇପାରି ନାହିଁ। ଏଠାରେ ତେବେ ସମ୍ପୃକ୍ତ ଗ୍ରାମର ଗାଈଚରାଳି ପୂର୍ଣ୍ଣଚନ୍ଦ୍ର ବେହେରା ଗୋରୁଗାଈପଲଙ୍କ ପଛରେ ଆସୁଥିବାରୁ ସୌଭାଗ୍ୟକ୍ରମେ ବଞ୍ଚିଯାଇଥିବା ସୂଚନା ମିଳିଛି।
କଳାପଥର ଅଞ୍ଚଳରେ ପ୍ରବଳ ବର୍ଷା ସହ ଝଡ଼ତୋଫାନ: ଭୁଷୁଡ଼ିଲା ବୈଦେଶ୍ବର ହାଇସ୍କୁଲ ପାଚେରୀ, ୩୫ରୁ ଅଧିକ ଗୋରୁଗାଈ ମୃତ
Popular Categories
Previous article
Next article