କୋଲକାତା: ପୁଣି ଆଲୋଚନାର କେନ୍ଦ୍ରବିନ୍ଦୁ ପାଲଟିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ନିକଟରେ ମମତା ଆରଏସଏସକୁ ପ୍ରଶଂସା କରିଥିବା ଦେଖିବାକୁ ମିଳିଛି । ଜାତୀୟ ଗଣମାଧ୍ୟମର ତଥ୍ୟ ଅନୁଯାୟୀ, ମମତା କହିଛନ୍ତି ମୁଁ ଭାବୁନାହିଁ ଯେ ଆରଏସଏସ ଏତେ ଖରାପ । ବର୍ତ୍ତମାନ ସଂଗଠନରେ କିଛି ଲୋକ ଅଛନ୍ତି ଯେଉଁମାନେ ବିଜେପି ଭଳି ଚିନ୍ତା କରନ୍ତି ନାହିଁ ।
ପରୋକ୍ଷରେ ମମତା ବିଜେପିକୁ ଟାର୍ଗେଟ କରିଥିବା ଦେଖିବାକୁ ମିଳିଛି । ସେ କହିଛନ୍ତି ତୃଣମୂଳ କଂଗ୍ରେସର ଭାବମୂର୍ତ୍ତିକୁ ଖରାପ କରିବାକୁ ପ୍ରୟାସ କରାଯାଉଛି । ଯାହାକି ଆଦୌ ଠିକ୍ ନୁହେଁ । ଏମିତି କଲେ କହାକୁ ବି ଛଡ଼ାଯିବ ନାହିଁ । ଏହା ବ୍ୟତୀତ ମମତା ଆହୁରି ମଧ୍ୟ କହିଛନ୍ତି କି, ମୁଁ ସମାଜର ସେବା ପାଇଁ ରାଜନୀତିକୁ ପ୍ରବେଶ କରିଥିଲି । ହେଲେ ଯଦି ମୁଁ ଜାଣିଥାଆନ୍ତି ରାଜନୀତି ଏତେ ମଇଳା ତେବେ ପ୍ରବେଶ କରିନଥାଆନ୍ତି ।
ରାଜନୀତିରେ ବହୁତ ମିଥ୍ୟା, ବହୁତ ନିନ୍ଦା ରହିଛି ବୋଲି କହିଛନ୍ତି ମମତା । ସେ ଆହୁରି କହିଛନ୍ତି କି, କୌଣସି ସଂସ୍ଥାର ସମନ କେବଳ ପ୍ରତିଶୋଧର ରାଜନୀତି ନୁହେଁ । ଏହା କେବଳ ହିଁ ହିଂସା । ତାହାଛଡ଼ା ଗୋରୁ ଓ କୋଇଲା ଚୋରା ଚାଲାଣ ପ୍ରସଙ୍ଗ କେନ୍ଦ୍ର ଗୃହ ମନ୍ତ୍ରଣାଳୟ ଏବଂ କେନ୍ଦ୍ର ସରକାରଙ୍କ ଦାୟିତ୍ୱ ବୋଲି ମମତା କହିଛନ୍ତି ।
