ପାଟନା : ବିହାରରେ ଆରଜେଡି ସାଂସଦ ଫୟାଜ ଅହମ୍ମଦ ଓ ଅସ୍ଫାକ୍ କରିମ୍ଙ୍କ ବାସଭବନ ଉପରେ ଆଜି ସିବିଆଇ ଚଢ଼ଉ କରିଛି । ଆରଜେଡି ବିଧାନ ପରିଷଦ ସଦସ୍ୟ ସୁନୀଲ କୁମାର ସିଂହ, ପୂର୍ବତନ ବିଧାନ ପରିଷଦ ସଦସ୍ୟ ସୁବୋଧ ରାୟ ଓ ପୂର୍ବତନ ଆରଜେଡି ବିଧାୟକ ଆବୁ ଦୋଜନାଙ୍କ ଘର ଉପରେ ମଧ୍ୟ ସିବିଆଇ ଚଢ଼ଉ କରିଛି ।
ଫୟାଜ୍ ଅହମ୍ମଦଙ୍କ ମଧୁବନିସ୍ଥିତ ବାସଭବନ ଉପରେ ସିବିଆଇ ଚଢଉ କରୁଥିବା ବେଳେ ଅସ୍ଫାକ୍ କରିମ୍ଙ୍କ ପାଟନା ଓ କଟିହାର ସ୍ଥିତ ବାସଭବନରେ ତଲାସୀ କରିଛି । ପୂର୍ବତନ ମୁଖ୍ୟମନ୍ତ୍ରୀ ରାବ୍ରି ଦେବୀଙ୍କ ବ୍ୟକ୍ତିଗତ ସଚିବ ନାଗମଣିଙ୍କ ଘର ଉପରେ ମଧ୍ୟ ସିବିଆଇ ଚଢ଼ଉ କରିଛି । ଜମି ପାଇଁ ଚାକିରି ଦୁର୍ନୀତି ମାମଲାରେ ଏହି ଖାନତଲାସି କରାଯାଉଛି । ସିବିଆଇ ପୂର୍ବତନ ରେଳମନ୍ତ୍ରୀ ଲାଲୁପ୍ରସାଦ ଯାଦବ, ତାଙ୍କର ପତ୍ନୀ ତଥା ପୂର୍ବତନ ମୁଖ୍ୟମନ୍ତ୍ରୀ ରାବ୍ରି ଦେବୀ ଓ ତାଙ୍କ ପରିବାରର
ସଦସ୍ୟମାନଙ୍କ ବିରୁଦ୍ଧରେ ଦୁର୍ନୀତି ମାମଲା ରୁଜୁ କରିଛି । ଲାଲୁ ପ୍ରସାଦ ଓ ତାଙ୍କ ପରିବାରର ସଦସ୍ୟମାନେ ଚାକିରି ଦେବା ବଦଳରେ ଜମି ନେଇଥିବା ଅଭିଯୋଗ ରହିଛି।ଲାଲୁପ୍ରସାଦ ଯାଦବ ରେଳମନ୍ତ୍ରୀ ଥିବା ବେଳେ ଏହି ଘଟଣା ଘଟିଥିଲା।
Comments are closed.