ଗଞ୍ଜାମ: ରାଜ୍ୟ ବେସରକାରୀ ଓ କର୍ମଚାରୀ ସଙ୍ଘ ଆହ୍ୱାନ କ୍ରମେ ଗଞ୍ଜାମ କଲେଜ ଅଧ୍ୟାପକ ଓ କର୍ମଚାରୀଙ୍କ ପକ୍ଷରୁ ମୁଖ୍ୟ ଫାଟକ ସମୁଖରେ ଦୁଇ ଘାଣ୍ଟ ଧରି ଅନୁଦାନ ସତ୍ୟାଗ୍ରହ ସ୍ୱରୂପ ପ୍ରତୀକାତ୍ମକ ଆନ୍ଦୋଳନ ଅନୁଷ୍ଠିତ ହୋଇଥିଲା। ପିଏମଜି ଭୁବନେଶ୍ୱର ଠାରେ ସଙ୍ଘ ପକ୍ଷରୁ ଅହରାତ୍ର ଧାରଣାକୁ ଦୀର୍ଘ ଦିନ ବିତିଯାଇଥିଲେ ମଧ୍ୟ ସରକାର କୌଣସି ପ୍ରତିଶୃତି ଦେଇ ନ ଥିବା ଜଣାପଡିଛି। ରାଜ୍ୟ ସଙ୍ଘର ଆହ୍ୱାନ କ୍ରମେ ଗଞ୍ଜାମ କଲେଜର ଅଧ୍ୟାପକ ଓ କର୍ମଚାରୀମାନେ ଏହି ଅବସରରେ ଗଞ୍ଜାମ ଜିଲ୍ଲା ସଂଯୋଜକ ଅଧ୍ୟାପକ ଗିରିଶ ଚନ୍ଦ୍ର ଆଚାର୍ଯ୍ୟଙ୍କ ନେତୃତ୍ୱରେ ଦୁଇ ଘଣ୍ଟିଆ ଆନ୍ଦୋଳନ ହୋଇଥିଲା। ଏଥିରେ ବେସରକାରୀ ଅଧ୍ୟାପକ କର୍ମଚାରୀ ସଂଘ ସଭାପତି ବିଶ୍ୱରଂଜନ ଦାସ ଯୋଗ ଦେଇ ରାଜ୍ୟ ସରକାରଙ୍କୁ କଟୁ ସମାଲୋଚନା କରିଥିଲେ।
୨୦୦୮ରୁ ପରିଚାଳନା କମିଟି ତରଫରୁ ନିଯୁକ୍ତି ପାଇଥିବା ସମସ୍ତ ମହାବିଦ୍ୟାଳୟ ଅଧ୍ୟାପକ କର୍ମଚାରୀମାନଙ୍କୁ ଅନୁଦାନ ଦେବା ଲାଗି ରାଜ୍ୟ ଉଚ୍ଚ ଶିକ୍ଷାମନ୍ତ୍ରୀଙ୍କ ଦୃଷ୍ଟି ଆକର୍ଷଣ ଉଦେଶ୍ୟରେ ଏହି ସତ୍ୟାଗ୍ରହ ଚାଲୁ ରହିଥିବା ରାଜ୍ୟ ସଙ୍ଘ ସଭାପତି କହିଛନ୍ତି।ରାଜ୍ୟ ସରକାର ଯଦି ଦାବୀ ନ ଶୁଣନ୍ତି ତାହେଲେ ସମସ୍ତ ମହାବିଦ୍ୟାଳୟରେ ଏହି ସତ୍ୟାଗ୍ରହ ଆନ୍ଦୋଳନ ଚାଲିବ ବୋଲି ସଙ୍ଘ ପକ୍ଷରୁ କୁହାଯାଇଛି। ଏହି ଆନ୍ଦୋଳନରେ ଗଞ୍ଜାମ କଲେଜର ଅଜୟ କୁମାର ବାରିକି, ସୁଶାନ୍ତ କୁମାର ଆଚାରୀ, ରଘୁନାଥ ରେଡି, ଆଦିତ୍ୟ ମହାପାତ୍ର, ପ୍ରବୀର ପାଢ଼ୀ, ସ୍ଵାଗତିକା ପ୍ରଧାନ, ନମିତା ସାହୁ, ଚକ୍ରପାଣି ରେଡ଼ି, ଡ଼ି ମହେଶ୍ୱର, ରମେଶ ବେହେରା, ଶିବରାମ ବେହେରା, ଅଜିତ ନାୟକ, ମଧୁସୂଦନ ମହାପାତ୍ର, କୃଷ୍ଣ ନାୟକ ପ୍ରମୁଖ ଉପସ୍ଥିତ ଥିଲେ।
