ନୂଆଦିଲ୍ଲୀ: ଦେଶର ରାଷ୍ଟ୍ରପତି ଚୟନ ପାଇଁ ମତଦାନ ଆରମ୍ଭ ହୋଇଛି । ସମସ୍ତ ରାଜ୍ୟର ସାଂସଦ ଓ ବିଧାୟକ ମାନେ ଦେଶର ୧୫ତମ ରାଷ୍ଟ୍ରପତି ଚୟନ ପାଇଁ ମତଦାନ କରୁଛନ୍ତି । ପ୍ରଧନମନ୍ତ୍ରୀ ନରେନ୍ଦ୍ର ମୋଦି ରାଷ୍ଟ୍ରପତି ନିର୍ବାଚନରେ ନିଜର ମତଦାନ କରିଛନ୍ତି । ସଂସଦରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜର ମତଦାନ କରିଥିବା ବେଳେ ଏହି ମତଦାନ ପ୍ରକ୍ରିୟାରେ ମୋଟ୍ ୪୮ଶହ ନିର୍ବାଚିତ ସାଂସଦ ଓ ବିଧାୟକ ମାନେ ତାଙ୍କର ନିଜର ମତଦାନ କରୁଛନ୍ତି । ଚଳିତ ରାଷ୍ଟ୍ରପତି ନିର୍ବାଚନରେ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କ ସହ ବିରୋଧୀ ଦଳର ପ୍ରାର୍ଥୀ ଯଶଓ୍ୱନ୍ତ ସିହ୍ନାଙ୍କ ଲଢ଼େଇ ହେଉଛି । ଏହି ରାଷ୍ଟ୍ରପତି ନିର୍ବାଚନରେ ଯଦି ଦ୍ରୌପଦୀ ବିଜୟ ହୁଅନ୍ତି ତେବେ ଦେଶର ସର୍ବୋଚ୍ଚ ଆସନରେ ଜଣେ ଆଦିବାସୀ ମହିଳା ବସିବେ । ଦ୍ରୌପଦୀଙ୍କୁ ମୋଟ୍ ୨୭ଟି ରାଜନୈତିକ ଦଳ ସମର୍ଥନ କରିଛି । ଯାହାକି ଦ୍ରୌପଦୀଙ୍କ ବିଜୟ ହେବା ନେଇ ଆଶା କରାଯାଉଛି ।
Comments are closed.