ଭୁବନେଶ୍ୱର: ଟେଲି ଅଭିନେତ୍ରୀ ରଶ୍ମୀରେଖା ଆତ୍ମହତ୍ୟା ମାମଲାରେ ତାଙ୍କ ପୁରୁଷ ବନ୍ଧୁଙ୍କୁ ପଚରାଉଚରା କରାଯାଉଛି । ରଶ୍ମୀରେଖାଙ୍କ ପୁରୁଷ ବନ୍ଧୁ ସନ୍ତୋଷ ନୟାପଲ୍ଲୀ ଥାନାରେ ହାଜର ହେବା ପରେ ଏସିପିଙ୍କ ନେତୃତ୍ୱରେ ସନ୍ତେଷଙ୍କୁ ପଚରାଉଚରା କରାଯାଉଥିବା ଜଣାପଡ଼ିଛି । ରଶ୍ମୀଙ୍କ ମୃତ୍ୟୁ ନେଇ ଅନେକ ପ୍ରଶ୍ନ ସନ୍ତୋଷଙ୍କୁ ପୁଲିସ ପଚାରୁ ଥିବା ଜଣାପଡ଼ିଛି । ପୂର୍ବରୁ ସନ୍ତୋଷ ଏହି ମାମଲାରେ ହାଜର ହୋଇନଥିଲେ ମଧ୍ୟ ଆଜି ନୟାପଲ୍ଲୀ ଥାନାରେ ହାଜର ହୋଇଛନ୍ତି ।
ସେପଟେ ଗତକାଲି ରଶ୍ମୀରେଖାଙ୍କ ପୂର୍ବତନ ପୁରୁଷବନ୍ଧୁ ଅଭିନେତା ରାଜାଙ୍କୁ ଜେରା କରିଥିଲା ପୁଲିସ । ରଶ୍ମୀଙ୍କ ମୃତ୍ୟୁକୁ ନେଇ ଅନେକ ପ୍ରଶ୍ନ ପୁଲିସ ପଚାରିଥିବା ଅନୁମାନ କରାଯାଉଥିଲା । ହେଲେ ରାଜା ଗଣମାଧ୍ୟମ ଆଗରେ କୌଣସି ପ୍ରଶ୍ନର ଉତ୍ତର ଦେଇନଥିଲେ ।
