ଠାକୁରମୁଣ୍ଡା: ଓଡ଼ିଶା ଡ୍ରାଇଭର ମହାସଂଘ କରଞ୍ଜିଆ ନିର୍ବାଚନ ମଣ୍ଡଳୀ ପକ୍ଷରୁ ସଂଘର ସଦସ୍ୟମାନେ ଗୁରବାର ଡ୍ରାଇଭର ସଙ୍ଘର ୧୦ ଦଫା ଦାବୀଗୁଡିକୁ ପୂରଣ କରିବାକୁ କରଞ୍ଜିଆ ବିଧାୟିକା ତଥା ରାଜ୍ୟ ମହିଳା ଶିଶୁ ବିକାଶ ଓ ମିଶନଶକ୍ତି ବିଭାଗ ରାଷ୍ଟ୍ର ମନ୍ତ୍ରୀ ବାସନ୍ତୀ ହେମ୍ବ୍ରମଙ୍କୁ ତାଙ୍କ ବାସଭବନରେ ଭେଟି ଏକ ଦାବୀ ପତ୍ର ପ୍ରଦାନ କରିଛନ୍ତି। ଓଡ଼ିଶା ଡ୍ରାଇଭର ମହାସଂଘ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ପୂର୍ବରୁ ଜିଲ୍ଲାପାଳଙ୍କ ଜରିଆରେ ଦାବୀ ପତ୍ର ପ୍ରଦାନ କରିଥିଲେ। ପରେ ଭୁବନେଶ୍ୱରରେ ଏକ ବିରାଟ ଶୋଭାଯାତ୍ରାରେ ଯାଇ ମୁଖ୍ୟମନ୍ତ୍ରୀଙ୍କୁ ଦାବୀପତ୍ର ପ୍ରଦାନ କରିଥିଲେ। ସେହି ସମୟରେ ଡ୍ରାଇଭର ସଙ୍ଘ ପକ୍ଷରୁ ଥିବା ଦାବୀଗୁଡିକୁ ୩ ମାସ ମଧ୍ୟରେ ସମାଧାନ କରାଯିବାକୁ ପ୍ରତିଶ୍ରୁତି ଦେଇଥିଲେ। କିନ୍ତୁ ଏ ସମସ୍ତ ଦାବୀ ପୂରଣ ଦିଗରେ କୌଣସି ସୂଚନା ସଙ୍ଘ ପାଇପାରୁ ନଥିବାରୁ ରାଜ୍ୟସଂଘ ନିଷ୍ପତ୍ତି ପରେ ସମସ୍ତ ନିର୍ବାଚନ ମଣ୍ଡଳୀର ବିଧାୟକ/ବିଧାୟିକାଙ୍କୁ ଭେଟି ସଙ୍ଘ ପକ୍ଷରୁ ଦାବୀ ପତ୍ର ଦିଆଯାଇଛି। ଦାବୀଗୁଡିକୁ ପୂରଣ ଦିଗରେ ପଦକ୍ଷପ ନେବାକୁ ବିଧାୟିକାଙ୍କୁ ସଙ୍ଘ କର୍ମକର୍ତ୍ତାମାନେ ଅନୁରୋଧ କରିଛନ୍ତି। ବିଶିକେଶନ ମହାନ୍ତ, ଠାକୁରମୁଣ୍ଡା ଡ୍ରାଇଭର ସଂଘର ସଭାପତି। ଉପସଭାପତି ମଣ୍ଟୁ ମହାନ୍ତ, ସମ୍ପାଦକ ତରଣୀସେନ୍ ମହାନ୍ତ, ହେମନ୍ତ ମହାନ୍ତ, ଲୋକନାଥ ସେଠୀ, ପ୍ରସାଦକ୍ଷ ମାୟାଧର ବେହେରା ଓ ଅନ୍ୟ କରଞ୍ଜିଆ, ଠାକୁରମୁଣ୍ଡା ଓ ଶରତ ଅଞ୍ଚଳର ଶହଶହ ଡ୍ରାଇଭରମାନେ ଉପସ୍ଥିତ ଥିଲେ।
Popular Categories
Previous article
Next article