ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ପୁଲିସ ଓ ଅପରାଧୀ ମୁହାମୁହିଁ ହୋଇଛନ୍ତି । ବରମୁଣ୍ଡା ହାଇସ୍କୁଲ ପଡ଼ିଆରେ ଅପରାଧୀ ଓ ପୁଲିସ ମୁହାଁମୁହିଁ ହୋଇଥିବା ବେଳେ ଏଥିରେ ପୁଲିସ ଗୁଳିରେ ଜଣେ ଅପରାଧୀ ଆହତ ହୋଇଛି । ଆହତ ଅପରାଧୀର ନାଁ ଚକରା ବାରିକ ହୋଇଥିବା ନେଇ ଜଣାପଡ଼ିଛି । ସୂଚନା ଅନୁଯାୟୀ ଦୁର୍ଦ୍ଦାନ୍ତ ଅପରାଧୀ ଚକରା ବାରିକ ନାଁରେ ବହୁ ଅପରାଧୀକ ମାମଲା ରହିଛି । ତାକୁ ପୁଲିସ ଧରବିକୁ ଯାଇଥିବା ବେଳେ ସେ ଓ ତାର ସହଯୋଗୀ ପୁଲିସ ଉପରକୁ ବୋମାମାଡ଼ ଓ ଗୁଳି ଚଳାଇଥିଲେ । ଫଳରେ ଚକରାର ଆକ୍ରମଣରେ ଦୁଇ ପୁଲିସ କର୍ମୀ ଆହତ ହୋଇଥିଲେ । ଘଟଣାସ୍ଥଳରେ ପୁଲିସ ଚକରାକୁ ଜବାବ ଦେବାକୁ ଗୁଳିଚାଳନା କରିଥିଲା । ପୁଲିସ ଗୁଳିରେ ଚକରା ଆହତ ହୋଇଥିବା ବେଳେ ତାର ଡାହାଣ ଗୋଡ଼ରେ ଗୁଳି ବାଜିଥିବା ଜଣାପଡ଼ିଛି । ଚକରାକୁ ଚିକିତ୍ସା ପାଇଁ କ୍ୟାପିଟାଲ ଡାକ୍ତରଖାନାରେ ଭର୍ତ୍ତି କରାଯାଇଛି । ହେଲେ ପୁଲିସ ଚକରାକୁ ଧରିବାକୁ ଗୁଳିବିନିମୟ କରିବା ବେଳେ ଚକରାର ସହଯୋଗୀ ଖସିଯାଇଛି ।
Popular Categories
Previous article
Next article