ଚିକିଟି: ମହିଳା ମାନଙ୍କ ଶିକ୍ଷାର ବିକାଶ ପାଇଁ ଆଧାରୁ ପାଠ ଛାଡ଼ିଥିବା ଅନୁସୂଚିତ ଜାତି, ଜନଜାତି, ଓବିସି ଓ ଏସବିସି ପାରିବାରରେ ଆଧାରୁ ପାଠ ଛାଡ଼ିଥିବା ଓ ଛାଡୁଥିବା ଝିଅ ମାନଙ୍କ ପାଇଁ ପ୍ରତିଷ୍ଠା ହୋଇଥିବା କେଜିବିଭି ଅବାସିକ ବିଦ୍ୟାଳୟ ଏବେ ଅବ୍ୟବସ୍ଥା ଘେରରେ। ଗଞ୍ଜାମ ଜିଲା ଚିକିଟି ବ୍ଲକ ରାମଚନ୍ଦ୍ର ପୁର ଠାରେ ଅଛି ଏହି ବିଦ୍ୟାଳୟ। ଏଠାରେ ଷଷ୍ଠରୁ ଦଶମ ଯାଏଁ ଦେଢ ଶହ ଛାତ୍ରୀ ରହି ଅଧ୍ୟୟନ କରୁଛନ୍ତି। ଏମାନଙ୍କ ସୁବିଧା ଅସୁବିଧା ବୁଝିବାକୁ ଜଣେ ୱାର୍ଡନ ଓ ଜଣେ ପିଅନ ନିଯୁକ୍ତି ହୋଇଛନ୍ତି।
ଅଭିଭାବକମାନଙ୍କ ଅଭିଯୋଗ ପ୍ରକାରେ ଏଠାରେ ନିଯୁକ୍ତି ପାଇଥିବା ପିଅନ ଜଣେ ସମ୍ପୂର୍ଣ୍ଣ ଦିବ୍ୟାଙ୍ଗ। ସେ ଚାଲିବା ପାଇଁ ମଧ୍ୟ ଅକ୍ଷମ। ନିଜ ପାଇଁ ନିଜେ ଖାଦ୍ୟ ଆଣିବା ତାଙ୍କ ପାଇଁ ଅସମ୍ଭବ। ପିଅନ ଜଣକ ଛାତ୍ରୀ ନିବାସର ପିଲାଙ୍କ ପାଇଁ କାମ କରିବା ପରିବର୍ତ୍ତେ ପିଲାମାନେ ପିଅନର ସମସ୍ତ ପ୍ରକାର ସେବା କରୁଛନ୍ତି। ନଭେମ୍ବର ମାସରୁ ବିନା ଛୁଟିରେ ପିଅନ ଗାଏବ ଥିବା ଜଣାପଡିଛି। ଦୀର୍ଘ ଛ ମାସ ଧରି ହଷ୍ଟେଲ କେମିତି ଚାଲୁଥିବା ତାହା ସହଜରେ ଅନୁମେୟ। ଏନେଇ ଅଭିଭାବକମାନେ ଏକ ଲିଖିତ ଅଭିଯୋଗ ଏନେଇ ଉଚ୍ଚ କର୍ତୃପକ୍ଷଙ୍କୁ ଅବଗତ କରାଯାଇଥିଲେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଇ ନାହିଁ। କେବଳ କାରଣ ଦର୍ଶାଅ ନୋଟିସରେ ସୀମିତ ଅଛି।
ଏନେଇ ସମ୍ପୃକ୍ତ ପ୍ରଧାନ ଶିକ୍ଷୟତ୍ରୀ ପ୍ରମିତା ପାତ୍ରଙ୍କୁ ପଚାରିବାରୁ ସେ କହିଛନ୍ତି ଯେ ଆଜକୁ ଦୀର୍ଘ ଛ ମାସ ହେଲା ପିଅନ ହଷ୍ଟେଲକୁ ଆସିନାହାନ୍ତି, ସେ ଚାଲିବା ପାଇଁ ଅକ୍ଷମ ଓ ଦିବ୍ୟାଙ୍ଗ ଅଟନ୍ତି। ଏନେଇ ମୁଁ ଜିଲାସ୍ତରୀୟ ଅଧିକାରୀଙ୍କୁ ବାରମ୍ବାର ଚିଠି କରିଛି କିନ୍ତୁ କୌଣସି ପଦକ୍ଷେପ ନିଆଯାଇ ନାହିଁ। ଅପର ପକ୍ଷେ ପିଲାଙ୍କୁ ପଢ଼ିବା ପାଇଁ ପାର୍ଟ ଟାଇମ ଶିକ୍ଷକ ନିଯୁକ୍ତି ହୋଇନାହାନ୍ତି, ଯାହା ଫଳରେ ଟ୍ୟୁସନ ହୋଇପାରୁନି ଓ ପାଠ ପଢ଼ା ବ୍ୟାହତ ହେଉଛ ବୋଲି ସେ କହଛନ୍ତି।
Comments are closed.