ଧାମନଗର: ଧାମନଗର ବିଜ୍ଞାପିତ ଅଞ୍ଚଳ ଅନ୍ତର୍ଗତ ବରଗଡିଆ ଗ୍ରାମରେ ଶୁକ୍ରବାର ରାତିରେ ଅଗ୍ନିକାଣ୍ଡ ଘଟିଛି। ଶୁକ୍ରବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ଶରତ ଚନ୍ଦ୍ର ପ୍ରଧାନଙ୍କ ୫ବଖରା ଘର, ଦୁଇଟି ବାଇକ, ଚାଉଳ ବସ୍ତା, ଘରର ଆସବାବ ପତ୍ର ସମେତ ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ନଷ୍ଟ ହୋଇଯାଇଛି। ଗାଁକୁ ରାସ୍ତା ନଥିବାରୁ ନିଆଁ ଲିଭାଇବା ପାଇଁ ଧାମନଗରରୁ ଦମକଳ ଗାଡି ଆସି ଫେରି ଯାଇଥିଲା। ପରେ ଭଣ୍ଡାରିପୋଖରୀ ବ୍ଲକରୁ ଏକ ଛୋଟ ଦମକଳ ଗାଡି ଘଟଣାସ୍ଥଳରେ ପହଞ୍ଚିଲା ବେଳକୁ ସବୁ କିଛି ପୋଡି ପାଉଁଶ ହୋଇ ଯାଇଥିଲା। ଦୁଇ ବର୍ଷ ହେଲା ବରଗଡିଆ ଗ୍ରାମ ସହରାଞ୍ଚଳର ମାନ୍ୟତା ପାଇଛି। କିନ୍ତୁ ଗାଁକୁ ସବୁ ଦିନିଆ ରାସ୍ତା ନଥିବାରୁ ଓ ଅଣଓସାରିଆ ରାସ୍ତା ଯୋଗୁଁ ବିଭିନ୍ନ ସମୟରେ ଅଗ୍ନିକାଣ୍ଡ ଘଟିଲେ ଦମକଳ ଗାଡି ଯାଇପାରୁ ନଥିବା ଗ୍ରାମ ଲୋକ ଅଭିଯୋଗ କରିଛନ୍ତି। ଏଥିପାଇଁ ଗ୍ରାମବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।
ଗ୍ରାମକୁ ସବୁଦିନିଆ ରାସ୍ତା ତିଆରି ପାଇଁ ଗ୍ରାମବାସୀମାନେ ବାରମ୍ବାର ପ୍ରଶାସନକୁ ଗୁହାରି କରି ଆସୁଥିଲେ ମଧ୍ୟ କର୍ତ୍ତୃପକ୍ଷ ଏଥିପ୍ରତି ନଜର ଦେଉ ନଥିବାରୁ ଉତ୍ତେଜନା ସୃଷ୍ଟି ହୋଇଛି। ଏହାକୁ ପ୍ରତିବାଦ କରି ଏବଂ ଗ୍ରାମ୍ୟ ରାସ୍ତା ନିର୍ମାଣ ଦାବିରେ ମହିଳା ଓ ଛାତ୍ରଛାତ୍ରୀମାନେ ଭଦ୍ରକ-ଧାମନଗର ରାସ୍ତାରେ ନିଆଁ ଜାଳି ରାସ୍ତାରୋକ କରିଛନ୍ତି। ଏହାଦ୍ୱାରା ରାସ୍ତାର ଉଭୟ ପାଶ୍ୱର୍ରେ ଅନେକ ଯାନବାହାନ ଅଟକି ରହିଛନ୍ତି। ଯାତ୍ରୀମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି।
ଅଗ୍ନିକାଣ୍ଡ ଓ ରାସ୍ତା ନିର୍ମାଣ ଦାବିରେ ରାସ୍ତାରୋକ
Popular Categories
Previous article
Next article