ପିପିଲି:ତୈଳ ଓ ରନ୍ଧନ ଗ୍ୟାସ ଦରରେ ଅହେତୁକ ବୃଦ୍ଧିକୁ ନେଇ ଦିନକୁ ଦିନ ଜନ ଅସନ୍ତୋଷ ବୃଦ୍ଧି ପାଉଥିବା ବେଳେ କଂଗ୍ରେସ ପକ୍ଷରୁ ପିପିଲିରେ ଏହାର ପ୍ରତିବାଦ କରାଯିବା ସହ ଗୁରୁବାର ବିକ୍ଷୋଭ ପ୍ରଦର୍ଶନ କରାଯାଇଥିଲା। ଏଆଇସିସି ଆହ୍ୱାନକ୍ରମେ କଂଗ୍ରେସ ଦଳ ପକ୍ଷରୁ ‘ମହଙ୍ଗାଇ ମୁକ୍ତ ଅଭିଯାନ’ରେ ପିସିସି ମୁଖପାତ୍ର ନିଶିକାନ୍ତ ମିଶ୍ରଙ୍କ ନେତୃତ୍ୱରେ କଂଗ୍ରେସ କର୍ମୀମାନେ ପିପିଲି ଏନ୍ଏସି ମାର୍କେଟ୍ କଂପ୍ଲେକ୍ସ ଠାରେ ବିକ୍ଷୋଭ ପ୍ରଦର୍ଶନ କରିଥିଲେ। କେନ୍ଦ୍ର ସରକାରଙ୍କ ବିରୋଧରେ ସେମାନେ ନାରାବାଜି ଦେବା ସହ ଦେଶକୁ ମହଙ୍ଗା ଅବସ୍ଥାରୁ ମୁକ୍ତ କରିବା ପାଇଁ ଦାବି କରିଥିଲେ। ତୈଳ ଓ ରନ୍ଧନଗ୍ୟାସ ଦର ଅହେତୁକ ବୃଦ୍ଧି ଫଳରେ ସାଧାରଣ ଖାଉଟିଙ୍କ ଆର୍ଥିକ ମେରୁଦଣ୍ଡ ଉପରେ ଏହାର ପ୍ରତିକୂଳ ପ୍ରଭାବ ପଡିଛି ବୋଲି ଶ୍ରୀ ମିଶ୍ର ଅଭିଯୋଗ କରିଥିଲେ।
ସରକାର ଶାସନରେ ରହିବା ପାଇଁ ସବୁ ପ୍ରକାର କସରତ କରୁଥିବା ବେଳେ ଦେଶରେ ତୈଳ, ରନ୍ଧନଗ୍ୟାସ ଓ ଅନ୍ୟାନ୍ୟ ଅତ୍ୟାବଶ୍ୟକୀୟ ସାମଗ୍ରୀର ଦରବୃଦ୍ଧିକୁ ରୋକିବାରେ ବିଫଳ ହୋଇଥିବା ଶ୍ରୀ ମିଶ୍ର ଅଭିଯୋଗ କରିଥିଲେ। ଏହି କାର୍ଯ୍ୟକ୍ରମରେ କଂଗ୍ରେସର ପିପିଲି ଏନ୍ଏସି ସଭାପତି ସେକ୍ ମେହେବୁବୁ, ମାନସ ଦାଶ, ସୁରେନ୍ଦ୍ର ସେଠୀ, ରଜନୀକାନ୍ତ ବସ୍ତିଆ, ସେକ୍ ସବିର, ରଣଜିତ ମହାପାତ୍ର, ଭାରତ ବାରିକ, ଭରତ ଜେନା, ସେକ୍ ମୋତି, ଅଜୟ ବେହେରା, ମାନସ ବେହେରା, ପପୁ ପରମାଣିକ, କାଳନ୍ଦୀ ବେହେରା ପ୍ରମୁଖ ଯୋଗ ଦେଇଥିଲେ।
Comments are closed.