ପାଟଣା : ପାଟଣା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟରେ ଛାତ୍ରଛାତ୍ରୀ ମାନଙ୍କୁ ବିଦ୍ୟାଳୟର ସଭାପତି କଳ୍ପତରୁ କରଙ୍କ ଦ୍ୱାରା ଫୁଲତୋଡା ଓ ତିଳକ ଲଗାଇ ସୋମବାର ପ୍ରବେଶ ଉତ୍ସବ ପାଳନ କରାଯାଇଛି। ଉତ୍ସବରେ ମୁଖ୍ୟ ଅତିଥି ସଭାପତି କଳ୍ପତରୁ କରଙ୍କୁ ଛାତ୍ରଛାତ୍ରୀ ମାନେ ଫୁଲତୋଡା ଓ ତିଳକ ଲଗାଇ ସମ୍ବର୍ଦ୍ଧିତ କରିଥିଲେ।
ବିଗତ ଦୁଇବର୍ଷ ହେବ ବିଦ୍ୟାଳୟ ଖୋଲି ନଥିଲା । ଆଜି ବିଦ୍ୟାଳୟ ଖୋଲିଥିବାରୁ ଛାତ୍ରଛାତ୍ରୀ ମାନେ ଖୁବ ଉତ୍ସାହର ସହିତ ଖୁସି ହୋଇ ଶ୍ରେଣୀ ଗୃହକୁ ପ୍ରବେଶ କରିଥିଲେ। କରୋନା ମହାମାରୀ ସମୟରେ ଛାତ୍ରଛାତ୍ରୀ ମାନଙ୍କ ପାଠପଢ଼ା ସବୁଠୁ ଅଧିକ ପ୍ରଭାବିତ ହୋଇଛି । ଏବେ ଏ କ୍ଷତିକୁ ଭରଣା କରିବାକୁ ପଡିବ ଏଥିପାଇଁ ଛାତ୍ରଛାତ୍ରୀ ମାନଙ୍କୁ ଦିନରାତି ପରିଶ୍ରମ କରିବାକୁ ପଡ଼ିବ। ସେହିପରି ଶିକ୍ଷକ ମାନଙ୍କର ଭୂମିକା ସବୁଠୁ ଗୁରୁତ୍ୱପୂର୍ଣ୍ଣ। କରୋନା ମହାମାରୀ ଯୋଗୁଁ ପାଠପଢ଼ାରେ ଯେଉଁ କ୍ଷତି ହୋଇଛି ତାକୁ ଶିକ୍ଷକ ମାନେହିଁ ଭରଣା କରିପାରିବେ ବୋଲି ଶିକ୍ଷକ ଏବଂ ଶିକ୍ଷୟତ୍ରୀଙ୍କ ଉପରେ ପୁରା ଭରଷା ଅଛି ବୋଲି ଶ୍ରୀ କର କହିଛନ୍ତି। ଉତ୍ସବରେ ପ୍ରଧାନ ଶିକ୍ଷକ କ୍ଷେତ୍ରମୋହନ ମହାନ୍ତ ଶିକ୍ଷକ ସଂଘ ସଂପାଦକ କମଳାକାନ୍ତ ପତିଙ୍କ ସହ ସମସ୍ତ ଶିକ୍ଷକ, ଶିକ୍ଷୟତ୍ରୀଏବଂ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ।
