ନୂଆଦିଲ୍ଲୀ : ସୋପିଆନ୍ ଜିଲାରେ ତିନି ଜଣ ସ୍ୱତନ୍ତ୍ର ପୁଲିସ ଅଧିକାରୀ (ଏସ୍ପିଓ)ଙ୍କ ହତ୍ୟା ପରେ ଶୁକ୍ରବାର ରାଜ୍ୟର ପ୍ରାୟ ୮ ଜଣ ଏସ୍ପିଓ ଅନ୍ଲାଇନ୍ ଭିଡିଓ ମାଧ୍ୟମରେ ଚାକିରିରୁ ଇସ୍ତଫା ଦେଇଥିବା ଖବର ସମ୍ପୂର୍ଣ୍ଣ ମିଥ୍ୟା ଓ ମନଗଢା ବୋଲି କେନ୍ଦ୍ର ଗୃହ ମନ୍ତ୍ରାଳୟ ପକ୍ଷରୁ କୁହାଯାଇଛି। ଗୃହ ମନ୍ତ୍ରାଳୟ ପକ୍ଷରୁ ଜାରି ବୟାନ ଅନୁସାରେ କେତେକ ଗଣମାଧ୍ୟମରେ ପ୍ରଦର୍ଶିତ ଏସ୍ପିଓଙ୍କ ଅନ୍ଲାଇନ୍ ଇସ୍ତଫା ଖବର ସମ୍ପୂର୍ଣ୍ଣ ମିଥ୍ୟା ଏବଂ କେତେକ ନ୍ୟସ୍ତସ୍ୱାର୍ଥ ଗୋଷ୍ଠୀ ଏହାକୁ ପ୍ରକାଶ କରିଛନ୍ତି। ଆତଙ୍କବାଦୀମାନେ ହତୋତ୍ସାହିତ ହୋଇ ଏସ୍ପିଓଙ୍କୁ ନିଶାଣ କରୁଛନ୍ତି ବୋଲି ସ୍ୱରାଷ୍ଟ୍ର ମନ୍ତ୍ରଣାଳୟ ପକ୍ଷରୁ କୁହାଯାଇଛି। ଅନୁରୂପ ଭାବେ ଇସ୍ତଫା ଖବର ସମ୍ପୂର୍ଣ୍ଣ ମିଥ୍ୟା ବୋଲି ଜାମ୍ମୁ-କାଶ୍ମୀର ପୁଲିସ ସ୍ପଷ୍ଟ କରିଛି।
ଉଲ୍ଲେଖ ଯେ ହିଜବୁଲ ପକ୍ଷରୁ ଏସ୍ପିଓମାନଙ୍କ ଉଦ୍ଦେଶ୍ୟରେ ମଙ୍ଗଳବାର ଏକ ଧମକପୂର୍ଣ୍ଣ ଭିଡିଓ ଜାରି କରାଯାଇଥିଲା। ଏଥିରେ ଏସ୍ପିଓମାନଙ୍କୁ ଚାକିରି ଛାଡ଼; ନଚେତ ହତ୍ୟା କରାଯିବ ବୋଲି ଧମକ ଦିଆଯାଇଥିଲା। ତେବେ ଶୁକ୍ରବାର ସେମାନଙ୍କର ଏକାଧିକ ଗୁଳିବିଦ୍ଧ ମୃତଦେହ ଏକ ବିଲରୁ ଉଦ୍ଧାର କରାଯାଇଛି। ଅନ୍ୟ ଜଣେ ଏସ୍ପିଓଙ୍କୁ ଗ୍ରାମବାସୀମାନେ ଆତଙ୍କବାଦୀଙ୍କ କବଳରୁ ଖସାଇ ଆଣିବାରେ ସଫଳ ହୋଇଛନ୍ତି ବୋଲି ସ୍ୱରାଷ୍ଟ୍ର ମନ୍ତ୍ରଣାଳୟ ସୂଚନା ଦେଇଛି। ପୁଲିସ ଘଟଣା ସମ୍ବନ୍ଧରେ ଗ୍ରାମବାସୀଙ୍କୁ ପଚରାଉଚୁରା କରି ତଦନ୍ତ ଚଳାଇଛି।
ଜାମ୍ମୁ କାଶ୍ମୀରର କୌଣସି ପୁଲିସ୍ କର୍ମୀ ଇସ୍ତଫା ଦେଇ ନାହାନ୍ତି : ଗୃହ ମନ୍ତ୍ରାଳୟ
Popular Categories
Previous article
Next article