ଏୟାରଟେଲର ନୂଆ ଅଫର : ୧୬୮ ଟଙ୍କାରେ ଅନଲିମିଟେଡ କଲ

ନୂଆଦିଲ୍ଲୀ : ଏୟାରଟେଲ ପୁଣି ଏକ ସସ୍ତା ପ୍ରିପେଡ ପ୍ଲାନ ଲଞ୍ଚ କରିଛି। ଏୟାରଟେଲର ଏହି ପ୍ଲାନର ମୂଲ୍ୟ ୧୬୮ ଟଙ୍କା। ଏହି ପ୍ଲାନ କିଛିଦିନ ତଳେ ଲଞ୍ଚ ହୋଇଥିିବା ଭୋଡାଫନ ୧୫୯ ଟଙ୍କାର ପ୍ଳାନ ସହିତ ସିଧା ଟକ୍କର ଦେବ। ଏୟାରଟେଲର ୧୬୮ ଟଙ୍କାର ଏହି ପ୍ଲାନରେ ଅନଲିମିଟେଡ କଲିଂ ସହିତ ପ୍ରତିଦିନ ୧ଜିବି ଇଣ୍ଟରନେଟ ଡାଟା ମିଳିବ। ତେବେ ଆସନ୍ତୁ ଏହି ପ୍ଲାନ ବାବଦରେ ବିସ୍ତାରରେ ଜାଣିବା।
ଏଥିରେ ସମସ୍ତ ନମ୍ବରକୁ ଅନଲିମିଟେଡ କଲିଂ ସହିତ ପ୍ରତିଦିନ ୧୦୦ ମେସେଜ ମିଳିବ। ଏହି ପ୍ଲାନର ବୈଧତା ୨୮ ଦିନ ପର୍ଯ୍ୟନ୍ତ ରହିବ। ଏହାବ୍ୟତୀତ ଏହି ପ୍ଲାନରେ ରୋମିଂରେ ମଧ୍ୟ କଲ ମାଗଣାରେ କରିପାରିବେ ଏବଂ ୨୮ ଦିନ ପର୍ଯ୍ୟନ୍ତ ପ୍ରତିଦିନ ୨ଜି/୩ଜି/୪ଜିର ୧ଜିବି ଡାଟା ମିଳିବ। ଏହାଦ୍ୱାରା ସମୁଦାୟ ଆପଣ ୨୮ ଜିବି ଡାଟା ପାଇପାରିବେ।
କଲିଂ ଏବଂ ଡାଟା ବ୍ୟତୀତ ଏହି ପ୍ଲାନରେ ମାଗଣାରେ ହାଲୋଟ୍ୟୁନ ରଖିପାରିବେ। ରିଚାର୍ଜ କରିବାର କିଛି ସମୟ ପରେ ହାଲୋଟ୍ୟୁନ ଆକ୍ଟିଭେଟ ହୋଇଯିବ। ଏହାପରେ ଗ୍ରାହକଙ୍କ ଇଛା ଅନୁସାରେ ହାଲୋଟ୍ୟୁନ ପରିବର୍ତ୍ତନ କରିପାରିବେ।
ସୂଚନାଯୋଗ୍ୟ ପୂର୍ବ ସପ୍ତାହରେ ଏୟୟାରଟେଲ ୧୭୮ ଟଙ୍କା ରୁ ୫୫୯ ଟଙ୍କା ପର୍ଯ୍ୟନ୍ତ ୫ଟି ନୂଆ ପ୍ରିପେଡ ପ୍ଲାନ ଲଞ୍ଚ କରିଥିଲା। ଏହି ସବୁ ପ୍ଲାନରେ ଅନଲିମିଟେଡ କଲିଙ୍ଗ ସହିତ ଡାଟା ମଧ୍ୟ ମିଳିବ। ୧୭୮ ଟଙ୍କାର ପ୍ଲାନ ବିଷୟରେ କହିଲେ ଏଥିରେ ପ୍ରତିଦିନ ୧ଜିବି ୩ଜି/୪ଜି ଡାଟା ମିଳିବ ଏବଂ ଏହି ପ୍ଲାନର ବୈଧତା ୨୮ ଦିନ। ଏହାବ୍ୟତୀତ ଏହି ପ୍ଲାନରେ ପ୍ରତିଦିନ ୧୦୦ ମେସେଜ ଏବଂ ଅନଲିମିଟେଡ ଲୋକାଲ, ଏସ୍‍ଟିଡି ଏବଂ ରୋମିଂରେ କଲିଂ ମିଳିବ।
ସେହିଭଳି ୨୯୯ ଟଙ୍କାର ପ୍ଲାନରେ ପ୍ରତିଦିନ ୧.୪ଜିବି ୪ଜି ଡାଟା ମିଳିବ ଏହାସହିତ ପ୍ରତିଦିନ ୧୦୦ମେସେଜ ଏବଂ ଅନଲିମିଟେଡ କଲିଙ୍ଗ ମଧ୍ୟ ମିଳିବ। ଏହି ପ୍ଲାନରେ ମଧ୍ୟ ରୋମିଙ୍ଗ ଫ୍ରି ହେବ ଯାହାର ବୈଧତା ୨୮ ଦିନ ପର୍ଯ୍ୟନ୍ତ ରହିବ।