ନବରଙ୍ଗପୁର: ଝରିଗାଁ ବ୍ଲକ ଅନ୍ତର୍ଗତ ଇଚ୍ଛାପୁର ଗ୍ରାମପଞ୍ଚାୟତର ଧୁମାମଲ ଗାଁରେ ସାଂସଦ ରମେଶ ଚନ୍ଦ୍ର ମାଝୀଙ୍କ ଗାଡି ଉପରକୁ ଅଣ୍ଡାମାଡ କରାଯାଇଥିବା ଜଣାଯାଇଛି। ନିର୍ବାଚନ ପ୍ରଚାରକୁ ଯାଇଥିବା ବେଳେ ଏହା ଘଟିଛି। ଏଠାରେ ପଞ୍ଚାୟତକୁ ନେଇ ଦୁଇ ଗୋଷ୍ଠି ମଧ୍ୟରେ ବିବାଦଥିଲା। ଏଠାରେ ପଞ୍ଚାୟତ ଉଦ୍ଘାଟନ ବେଳେ ବାରମ୍ବାର ନିମନ୍ତ୍ରଣ କରିବା ପରେ ମଧ୍ୟ ସାଂସଦ ରମେଶ ଚନ୍ଦ୍ର ମାଝୀ ଓ ବିଧାୟକ ପ୍ରକାଶ ଚନ୍ଦ୍ର ମାଝୀ ଅନୁପସ୍ଥିତ ହୋଇଥିଲେ। ଏହାକୁ ନେଇ ଗ୍ରାମବାସୀମାନେ ତିବ୍ର ଅସନ୍ତୋଷରେ ଥିଲୋ ତେବେ ଆଜି ନିର୍ବାଚନ ପ୍ରଚାର ପାଇଁ ଏହି ଗାଁ ପଟ ଦେଇ ଯିବା ବେଳେ ଗାଁ ଲୋକମାନେ ଗାଡିରେ ଅଣ୍ଡାମାଡ କରିବା ସହ ଠେଙ୍ଗାବାଡି ଧରି ଘଉଡାଇଥିଲୋ ଝରିଗାଁ ବ୍ଲକର ଦୁଇ ନମ୍ବର ଜୋନ ଜିଲା ପରିଷଦ ପ୍ରାର୍ଥୀଙ୍କର ପ୍ରଚାର ପାଇଁ ଯାଉଥିବା ବେଳେ ଏହି ଘଟଣା ଘଟିଥିବା ଜଣାଯାଇଛି। ବୁଧବାର ସନ୍ଧ୍ୟାରେ ଚନ୍ଦାହାଣ୍ଡିର ଚକାମାଲ ଠାରେ ମଧ୍ୟ ନିର୍ବାଚନ ପ୍ରଚାର ବେଳେ କଂଗ୍ରେସ ସମର୍ଥକମାନେ ଗାଁରୁ ଘଉଡାଇଥିବା ଚର୍ଚ୍ଚା ହୋଇଛି। ତେବେ ଅଣ୍ଡାମାଡ ସଂପର୍କରେ ସାଂସଦ ଶ୍ରୀ ମାଝୀଙ୍କ ପ୍ରତିକ୍ରିୟା ମିଳିପାରିନାହିଁ।
Popular Categories
Previous article
Next article