ଭୁବନେଶ୍ୱର: ଓଡ଼ିଆ ଚଳଚ୍ଚିତ୍ର ଜଗତରେ ଛାପ ଛାଡ଼ି ଯାଇଛନ୍ତି ସ୍ୱର ସାମ୍ରାଜ୍ଞୀ ଲତା ମଙ୍ଗେସକ । ଲତା ଓଡ଼ିଆ ଚଳଚ୍ଚିତ୍ର ଜଗତରେ ମଧ୍ୟ ନିଜର କଣ୍ଠ ଦାନ କରିଛନ୍ତି । ଆଜି ବି ତାଙ୍କର ୨ଟି ଓଡ଼ିଆ ଚଳଚ୍ଚିତ୍ରର ଗୀତ ଓଡ଼ିଆ ସଂଗୀତ ପ୍ରେମୀମାନେ ଗୁଣୁଗୁଣୁ ହେଉଛନ୍ତି । ଚଳଚ୍ଚିତ୍ର ‘ସୂର୍ୟ୍ୟମୁଖୀ’ ଓ ‘ଅରୁନ୍ଧତୀ’ରେ ନିଜର କଣ୍ଠଦାନ କରିଛନ୍ତି ଲତା । ଉଭୟ ଗୀତର ସଙ୍ଗୀତକାର ଥିଲେ ଶାନ୍ତନୁ ମହାପାତ୍ର । ୧୯୬୩ ମସିହାର ଚଳଚ୍ଚିତ୍ର ‘ସୂର୍ୟ୍ୟମୁଖୀ’ର ‘ସେଇ ଚୁନାଚୁନା ତାରା ଫୁଲ’ ଗୀତ ଲତା ଗାଇଥିଲେ । ୧୯୬୮ ମସିହାର ଚଳଚ୍ଚିତ୍ର ‘ଅରୁନ୍ଧତୀ’ର ନିର୍ମାଣ ସମୟରେ ଲତା ‘ଆଜି ମୁଁ ଶ୍ରାବଣୀ’ ଗୀତରେ ଗଣ୍ଠଦାନ କରିଥିଲେ । ଏହି ଦୁଇ ଗୀତ ଆଜିବି ଓଡ଼ିଆ ଦର୍ଶକଙ୍କୁ ବାନ୍ଧି ରଖିଛି ।
ଶୁଣାଯାଏ ସେହି ସମୟରେ ସଙ୍ଗୀତକାର ଶାନ୍ତନୁ ମହାପାତ୍ର ଏହି ସଙ୍ଗୀତ ସଂଯୋଜନା କରିବା ସମୟରେ ଗୀତ ଦୁଇଟିକୁ ଲତା ଗାଇବା ନେଇ ସ୍ଥିର କରିଥିଲେ । ଆଉ ଏନେଇ ପ୍ରଯୋଜକଙ୍କୁ କହିବା ପରେ ଲତାଙ୍କ ପାଖକୁ ଯାଇ ଗୀତର ସ୍ୱର ଶୁଣାଇଥିଲେ । ଗୀତର ସ୍ୱର ଣୁଣିବା ପରେ ଲତା ଗୀତ ଦ୍ୱୟକୁ ଗାଇବାକୁ ଆଗ୍ରହ ପ୍ରକାଶ କରିଥିଲେ । ପରେ ଗୀତ ଦୁଇଟିର ରେକର୍ଡିଂ କରାଯାଇଥିଲା ।
