ଗଞ୍ଜାମ: ସାମୁଦ୍ରିକ କଇଁଚ ଅଲିଭ ରିଡ଼ଲେଙ୍କ ସୁରକ୍ଷିତ ଗଣ ଅଣ୍ଡାଦାନକୁ ଦୃଷ୍ଟିରେ ରଖି ଗଞ୍ଜାମ ବ୍ଲକ ଅନ୍ତର୍ଗତ ଋଷିକୂଲ୍ୟା ମୁହାଁଣ ସମୁଦ୍ର ବେଳାଭୁମିରେ ସଫେଇ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପୋଡମପେଟା ଗ୍ରାମର ପରିବେଶ ପର୍ଯ୍ୟଟନ ଓ ଅଲିଭ ରିଡ଼ଲେ ପ୍ରୋଟେକ୍ସନ କ୍ଳବ ପକ୍ଷରୁ ଋଷିକୂଲ୍ୟା ମୁହାଁଣ ନିକଟ ନୁଆଁପୋଡାମପେଟା ଗ୍ରାମ ଠାରୁ ପୁରୁଣା ପୋଡାମପେଟା ଗ୍ରାମ ସମୁଦ୍ର ବେଳାଭୁମିରେ ସଫେଇ କରାଯାଇଥିଲା। ଉକ୍ତ କାର୍ଯ୍ୟକ୍ରମକୁ ରମ୍ଭା ବନ ସଂରକ୍ଷକ ରାଜେଶ କୁମାର ବେହେରା ଯୋଗଦେଇଥିଲେ।
- Advertisement -
କ୍ଳବର ସଭାପତି ଡି. ହିମାଂଶୁ ଓ ସମ୍ପଦକ ଡି. ଗୋବିନ୍ଦଙ୍କ ତତ୍ତ୍ବାବଧାନରେ ଆୟୋଜିତ କାର୍ଯ୍ୟକ୍ରମରେ ଶିକ୍ଷକ ଡି.ଯୋଗେନ୍ଦ୍ର, ଛାତ୍ରଛାତ୍ରୀ, ମହିଳା କ୍ଳବର ସ୍ବେଛାସେବୀ, ବନ କର୍ମଚାରୀମାନେ ସ୍ବଚ୍ଛତା ନିମନ୍ତେ ଶ୍ରମଦାନ କରିଥିଲେ।
