ବାଙ୍କୀ : ବାଙ୍କୀ-ଡମପଡା ବ୍ଲକ ଅଧିନ କୁଶପଙ୍ଗି ଗ୍ରାମ ଗୋଟିଏ କୃଷି ପ୍ରଧାନ ଶିକ୍ଷିତ ଗ୍ରାମ ଭାବରେ ଅଞ୍ଚଳରେ ବେଶ ଜଣାଶୁଣା। ଶିକ୍ଷା ବିକାଶରେ ଏ ଗାଁରେ ଅଛି ପ୍ରାଥମିକ ବିଦ୍ୟାଳୟ,ମଧ୍ୟ ଇଂରାଜୀ ବିଦ୍ୟାଳୟ ଏବଂ ହାଇସ୍କୁଲ। ଦୀର୍ଘ ବର୍ଷ ଠାରୁ ଜନବହୁଳ ଗାଁଟିରେ ପରିବେଶ ପରିଚ୍ଛନ୍ନତା ଦିନକୁ ଦିନ ଜଟିଳ ସମସ୍ୟା ହେବାରୁ ଗାଁରେ ସ୍ୱେଚ୍ଛାକୃତ ଭାବରେ ମା ବାଉତି କମ୍ରେଡ ଗୋଷ୍ଠୀ ନାମକ ଯୁବକ ସଂଘ ସାମୁହିକ ଗ୍ରାମ ସଫେଇ କାର୍ଯ୍ୟକ୍ରମକୁ ଅଭିନ୍ନବ ଭାବରେ ପ୍ରୟାସ ଆରମ୍ଭ କରି ସଫଳତା ପାଇଛି। ଏଥିପାଇଁ ଗ୍ରାମ ତଥା ପଞ୍ଚାୟତର ବହୁ ବୁଦ୍ଧିଜିବୀ ସଙ୍ଗଠନ ଓ ସାଙ୍ଗଠନିକ ନେତୃତ୍ୱ ପାଇଁ ପ୍ରଶଂସା କରିଛନ୍ତି।
ସୂଚନା ଅନୁଯାୟୀ ରବିବାର ଦିନ ମା ବାଉତୀ କମ୍ରେଡ ଗୋଷ୍ଠୀର ସଭାପତି ପ୍ରେମରାଜ ଲେଙ୍କା ଏବଂ ସମ୍ପାଦକ ଅଜୟ ସ୍ୱାଇଁଙ୍କ ପ୍ରତ୍ୟେକ୍ଷ ତତ୍ୱାବଧାନରେ ସକାଳୁ ସନ୍ଧ୍ୟା ଦିନଭରି ଗାଁ ସଫେଇ କାର୍ଯ୍ୟ ଆରମ୍ଭ ହୋଇ ସଫେଇ କାର୍ଯ୍ୟ ସଫଳ ହୋଇଛି। ଗ୍ରାମର ପ୍ରତି ପରିବାର ପ୍ରତିଦିନ ପରିବେଶକୁ ପରିସ୍କାର ପରିଚ୍ଛନ୍ନ ରଖିବା ପାଇଁ ନିବେଦନ କରାଯାଇଛି। ଏହି ସଫେଇ ଯାତ୍ରାରେ ସମାଜସେବୀ ଗଗନ ବିହାରୀ ବେହେରା,ନରେଶ ବେହେରା,ହରମୋହନ ବଳବନ୍ତରାୟଙ୍କ ସମେତ ଗ୍ରାମର ଆଶା,ଅଙ୍ଗନବାଡି କର୍ମୀ,ଯୁବକ ସଂଘ,ଗ୍ରାମର ସଂକୀର୍ତ୍ତନ ମଣ୍ଡଳୀ ଏବଂ ଗ୍ରାମର ମୁରବୀଙ୍କ ସମେତ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟା ମାନେ ସାମିଲ ହୋଇଥିଲେ। ଗ୍ରାମରର ସମସ୍ତ ବିଦ୍ୟାଳୟ,ଅଙ୍ଗନବାଡି କେନ୍ଦ୍ର,ରାସ୍ତାଘାଟ,ପୁଷ୍କରିଣୀ,ମନ୍ଦିର ବେଢା,ସର୍ବସାଧାରଣଙ୍କ ବ୍ୟବହାର ସ୍ଥାନ ଆଦି ପରିସ୍କାର କରାଯାଇ ସେଠାରେ ସଦସ୍ୟ ମାନେ ପୁଷ୍ପ ପକାଇ ଗାଁର ସ୍ୱଚ୍ଛତା ଓ ପରିବେଶ ପରିବେଷ୍ଟନୀର ପରିଚ୍ଛନ୍ନତାକୁ ବଜାୟ ରଖିବା ଶ୍ରେଷ୍ଠ ଗ୍ରାମର ମାନ୍ୟତା ପାଇଁ ଆହ୍ୱାନ ଜଣାଇଛନ୍ତି।
Comments are closed.