କୁଚିଣ୍ଡା : କୁଚିଣ୍ଡା ଥାନା ଅଞ୍ଚଳରେ ଡକାୟିତି, ରାହାଜାନୀ ପାଇଁ ଷଡଯନ୍ତ୍ର ପାଇଁ ଯୋଜନା ଥିବା ବେଳେ କୁଚିଣ୍ଡା ପୁଲିସ ୫ଜଣ ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇଛି । ଫଳରେ ବଡ ଧରଣର ଅଘଟଣକୁ ରୋକି ପାରିଥିବା କୁହାଯାଉଛି।
ସୂଚନା ଅନୁଯାଇ ଝାରସୁଗୁଡା ଜିଲା ଲଖନପୁର ଥାନା ଅଧିନସ୍ଥ କୁଦାଲୋଇ ଗ୍ରାମର ସରୋଜ ନାଗ(୨୩), ଧନଞ୍ଜୟ କେର୍କେଟା(୨୨),ସନ୍ତୋଷ ତୁପୁନ(୧୯), ବିଶାଲ ଡାଙ୍ଗ(୨୦)ଏବଂ ଲଇକେରା ଥାନା ଖୁଣ୍ଟାମାଲ ଗ୍ରାମର ଲକ୍ଷ୍ମଣସିଂ ନାଏକ(୨୯) ଭୋଜପୁର ଅଞ୍ଚଳକୁ ଆସି ସେମାନେ ଡକାୟିତି ସକାଶେ ଯୋଜନା କରୁଥିବା କୌଣସି ସୂତ୍ରରୁ ପୁଲିସ ଜାଣିବାକୁ ପାଇଥିଲେ । ପରେ ସମସ୍ତଙ୍କୁ ପିଛା କରି କାବୁ କରିବା ପେ ସେମାନଙ୍କ ଠାରୁ ଏକ ମାରୁତି କାର ସମେତ ଦୁଇ ଗୋଟି ଭୂଜାଲି, ଗୋଟଏ ଲୁହା ରଡ, ଗୋଟିଏ ଟର୍ଚ୍ଚ, ୬ଗୋଟି ମୋବାଇଲ ଫୋନ, ଆଦି ଜବତ କରିଥିଲେ । ଅଭିଯୁକ୍ତଙ୍କ ମଧ୍ୟରୁ ଅଧିକାଂଶ ଏକାଧିକ ମାମଲାରେ ଅଭିଯୁକ୍ତ ହୋଇଥିବା ପୁଲିସ ଜାଣିବାକୁ ପାଇଛି । ଆଜି କୁଚିଣ୍ଡା ପୁଲିସ ସମସ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି।
