ରାମନାଗୁଡା: ରାୟଗଡା ଜିଲ୍ଲା ରାମନାଗୁଡା ବ୍ଲକର ଗୁଲୁମୁଣ୍ଡା, ଉକାମ୍ବା, ଭାମିନି, ବୁଥିଙ୍ଗ, କୁଜେନ୍ଦ୍ରୀ ଆଦି ପଂଚାୟତମାନଙ୍କରେ ସାଇ ଟ୍ରଷ୍ଟ ତରଫରୁ ପୁଷ୍ଟିକର ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି। ଏହି କାର୍ଯ୍ୟକ୍ରମରେ ବ୍ଲକ କୋର୍ଡିନେଟର ଶିବ ପ୍ରସାଦ ପଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ସେହିପରି ପ୍ରତ୍ୟେକ ପଂଚାୟତ ସ୍ତରରେ ନିଯୁକ୍ତି ପାଇଥିବା ମହିଳା ସୁପରଭାଇଜରମାନଙ୍କ ଦ୍ୱାରା ପୃଷ୍ଟିକର ଖାଦ୍ୟ ସାମଗ୍ରୀର ବଣ୍ଟନ ହୋଇଥିଲା। ଏହି କାର୍ଯ୍ୟକ୍ରମର ମୁଖ୍ୟ ଲକ୍ଷ୍ୟ ହେଲା ଛଅ ମାସରୁ ତିନି ବର୍ଷ ଶିଶୁ ଏବଂ ଗର୍ଭବତୀ ମହିଳାମାନଙ୍କ ଭିତରେ ବହୁ ପରିମାଣରେ ଅପପୁଷ୍ଟି ଦେଖା ଦେଇଥାଏ, ତେଣୁକରି ଏମାନଙ୍କ ପୁଷ୍ଟିସାର ଯେମିତି କି କମି ନ ଯାଏ ଅପପୁଷ୍ଟିର ଶିକାର ନ ହୁଅନ୍ତୁ ସେଥି ପ୍ରତି ଧ୍ୟାନ ଦେଇ ସାଇ ଟ୍ରଷ୍ଟ ପକ୍ଷରୁ ଆଜି ହରଲିକିସ, ଲାକଟ ଜିନ, ମଦର ହରଲିକିସ, ସହିତ ବିଭିନ୍ନ ପୁଷ୍ଟିକର ସାମଗ୍ରୀ ବଣ୍ଟନ କରାଯାଇଥିଲା। ଏହି କାର୍ଯ୍ୟକ୍ରମକୁ ମହିଳା ସୁପରଭାଇଜର ସୁନିତା ପାଳ ପରିଚାଳନା କରିଥିବା ବେଳେ ସମସ୍ତ ସୁପର ଭାଇଜର ସହଯୋଗ କରିଥିଲେ।
Popular Categories
Previous article
Next article