www.samajalive.in
Monday, December 8, 2025
24.1 C
Bhubaneswar

ରାଜ୍ୟ ଅଭିଲେଖାଗାରରେ ରହିବ ସ୍ୱାଧୀନତା ପୂର୍ବର ନଥି

ଭୁବନେଶ୍ୱର: ସ୍ବାଧୀନତା ପୂର୍ବରୁ ଥିବା ରାଜସ୍ବ ନଥିକୁ ସୁରକ୍ଷିତ ଭାବେ ରଖାଯିବ। କଟକ ବୋର୍ଡ କାର୍ଯ୍ୟାଳୟରେ ଥିବା ଏହି ସବୁ ନଥିକୁ ରାଜ୍ୟ ଅଭିଲେଖାଗାରକୁ ସ୍ଥାନାନ୍ତର କରାଯିବ। ସ୍ୱାଧୀନତା ପୂର୍ବର ଏମିତିକି ୧୯୨୦ ମସିହାରୁ ୧୯୪୭ ମସିହା ପର୍ଯ୍ୟନ୍ତ ଥିବା ସମସ୍ତ ନଥିକୁ ଭୁବନେଶ୍ୱର ଅଭିଲେଖାଗାରରେ ରଖାଯିବ। ଗୁରୁତ୍ୱପୂର୍ଣ୍ଣ କଥା ହେଲା ଅଭିଲେଖାଗାର ଉପରେ ଚାପ ବଢୁଛି। ଗୋଟିଏ ପଟେ ମାନବ ସମ୍ବଳ ଅଭାବ ରହିଥିବା ବେଳେ ନଥି ରଖିବା ପାଇଁ ସ୍ଥାନର ବି ଅଭାବ ରହିଛି। ସ୍ଥାନାଭାବ ଦର୍ଶାଇ ଅଭିଲେଖାଗାର କର୍ତ୍ତୃପକ୍ଷ ବିଭାଗୀୟ ଉଚ୍ଚକର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଛନ୍ତି। ପଦକ୍ଷେପ ସ୍ବରୂପ ବିଭିନ୍ନ ମହଲାରେ ଥିବା ନଥିକୁ ବ୍ୟବସ୍ଥିତ କରାଯାଇ ରଖାଯିବାପରେ ଏବେ ସ୍ଥାନର ଅଭାବ କିଛି ମାତ୍ରାରେ କମିଛି। ଏହାରି ଭିତରେ ବୋର୍ଡ କାର୍ଯ୍ୟାଳୟର କର୍ମକର୍ତ୍ତା ମଧ୍ୟ ଅଭିଲେଖାଗାର ପରିଦର୍ଶନ କରିଛନ୍ତି।

ରାଜ୍ୟ ଅଭିଲେଖାଗାରରେ ୬ ମହଲାରେ ଏବେ ନଥି ଏବଂ ବିଭିନ୍ନ କାଗଜପତ୍ର ଭରପୂର ରହିଛି l ପ୍ରଥମ ମହଲାରେ ପାଠାଗାର ଥିବାବେଳେ ଦ୍ୱିତୀୟ ମହଲରେ ଖବରକାଗଜ ଭର୍ତ୍ତି ହୋଇ ରହିଛି l ସେହିପରି ତୃତୀୟ ମହାଲରେ ବିଭିନ୍ନ ଜିଲା ବିବରଣୀ ରହିଛି। ଯେଉଁଥିରେ ଐତିହାସିକ ବିବରଣୀ ସାଙ୍ଗକୁ ଗୁରୁତ୍ୱପୂର୍ଣ୍ଣ ପରିସଂଖ୍ୟାନ ବିବରଣୀ ରହିଛି। ଚତୁର୍ଥ ମହଲାରେ ଜଗନ୍ନାଥ ସଂସ୍କୃତି କିଛି ବିବରଣୀ ସହିତ ରାଜସ୍ବ ନଥି ରହିଛି। ଏହାଛଡା ପଞ୍ଚମ ମହଲାରେ ନିର୍ଦେଶାଳୟ କାଗଜପତ୍ର ରହିଛି। ଏଥିରେ ବିଭିନ୍ନ ପ୍ରକାଶନି ସାଙ୍ଗକୁ ନିର୍ଦେଶାଳୟର ବିବରଣୀ ଅଛି। ନିକଟରେ କର୍ତ୍ତୃପକ୍ଷ ଉକ୍ତ ଗୃହକୁ ଖୋଲିବା ସହିତ ଏହାକୁ ବ୍ୟବସ୍ଥିତ କରିଛନ୍ତି। କଟକ କାର୍ଯ୍ୟାଳୟରୁ ଆସିବାକୁ ଥିବା ନଥି ଏଠାରେ ରହିବା ସହିତ ବିଭିନ୍ନ ଜିଲାରୁ ଏବେ ଅଧିକ ବିବରଣୀ ସଂଗ୍ରହ କରାଯାଇ ଅଭିଲେଖାଗାରରେ ରଖିବା ପାଇଁ ନିଷ୍ପତ୍ତି ନିଆଯାଇଛି। ଏନେଇ ଅଭିଲେଖାଗାର ଅଧୀକ୍ଷକ ସେକ୍‌ ସୋଲେମାନ ଅଲ୍ଲୀ କହିଛନ୍ତି ସରକାରଙ୍କ ନିଷ୍ପତ୍ତି ଆଧାରରେ ସବୁ କାର୍ଯ୍ୟ ହେଉଛି। ଯାହାସବୁ ଆମର ସୁବିଧା ଅସୁବିଧା ରହିଛି ତାହାକୁ ଆମେ ବିଭାଗୀୟ ନିର୍ଦେଶକ ଓ ସଚିବଙ୍କୁ ଜଣାଇ ଦେଇଛୁ। ସେହିପରି ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ପ୍ରମୁଖ ଶାସନ ସଚିବ ସୁରେଶ ଚନ୍ଦ୍ର ଦଳାଇ କହିଛନ୍ତି ଅଭିଲେଖାଗାରରେ ଯେତିକି ବି ସ୍ଥାନ ରହିଛି ତାହାକୁ ବ୍ୟବସ୍ଥିତ କରାଯାଇଛି। ବୋର୍ଡ କାର୍ଯ୍ୟାଳୟ ନଥି ସମେତ ଆଗକୁ ଅଧିକ ନଥି ଆଣିବା ପାଇଁ ପଦକ୍ଷେପ ନିଆଯିବ। ତେବେ ସ୍ଥାନ ଅଭାବ ଦୃଷ୍ଟିରୁ ଅଭିଲେଖାଗାରର ଭିତ୍ତିଭୂମିକୁ ବୃଦ୍ଧି କରାଯିବ। ଅଭିଲେଖାଗାର ପଛକୁ ଥିବା ଖାଲି ସ୍ଥାନ ଏବଂ ଛାତ ଉପରେ ନୂଆଗୃହ ନିର୍ମାଣ କରିବା ନେଇ ଯୋଜନା ରହିଛି। ଏନେଇ ଏକ ବୈଠକ କରାଯାଇ ପଦକ୍ଷେପ ଗ୍ରହଣ କରାଯିବ।

Hot this week

ମୋ ପୁଅ ବୋହୁଙ୍କ ପାଖରେ କେହି ଅଟକି ନଥିଲେ କି ପାଣି ଦେଇ ନଥିଲେ

ସମାଜ ଲାଇଭ ଡ଼େସ୍କ : ଗତ ସପ୍ତାହରେ ଦିଲ୍ଲୀ-ମୁମ୍ବାଇ ଏକ୍ସପ୍ରେସୱେରେ ଘଟିଥିବା...

ପୁଟିନଙ୍କ ପରେ ଦିଲ୍ଲୀ ଆସିବେ ଜେଲେନସ୍କି!

ସମାଜ ଡିଜିଟାଲ ଡେସ୍କ: ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସଫଳ ଦିଲ୍ଲୀ...

ଶନି ଚଳନ: ୨୦୨୬ରେ ଲାଭବାନ ହେବେ ଏହି ୩ ରାଶି

ସମାଜ ଡିଜିଟାଲ ଡେସ୍କ: ହିନ୍ଦୁ ଧର୍ମରେ ଶନି ଦେବଙ୍କୁ ସ୍ୱତନ୍ତ୍ର ଭାବେ...

ଶୀତଦିନରେ ଅଧିକ ନିଦ୍ରା କାହିଁକି ଲାଗେ: ଜାଣନ୍ତୁ କେତେ ଘଣ୍ଟା ଶୋଇବା ଜରୁରୀ

ସମାଜ ଡିଜିଟାଲ ଡେସ୍କ: ନିଦ୍ରା ଆମ ଶରୀର ପାଇଁ ଅତ୍ୟନ୍ତ ଜରୁରୀ...

ଟ୍ରମ୍ପଙ୍କ ନାମରେ ହେବ ହାଇଦରାବାଦର ସଡ଼କ

ହାଇଦରାବାଦ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନାମରେ ହାଇଦରାବାଦର ଏକ...

Related Articles

Popular Categories