ଭୁବନେଶ୍ୱର : ରାଜ୍ୟରେ କରୋନା ସ୍ଥିତି ନେଇ ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ଓ ଡିଏମଇଟି ସିବିକେ ମହାନ୍ତି ସୂଚନା ଦେଇଛନ୍ତି। ସ୍ୱାସ୍ଥ୍ୟ ନିର୍ଦ୍ଦେଶକ ଙ୍କ ସୂଚନା ଅନୁଯାୟୀ ଆମେ ବର୍ତ୍ତମାନ ଏଣ୍ଡାମିକ୍ ସ୍ଥିତିରେ ରହିଛୁ।ଏହି ସ୍ଥିତିରେ ମଧ୍ୟ କୋଭିଡ ରହିବ ମାତ୍ର ଟ୍ରାନ୍ସମିଶନ ହେବା ଭଳି କୌଣସି ପରିବେଶ ସୃଷ୍ଟି କରିବ ନାହିଁ । କରୋନା ସଂକ୍ରମଣ ବଢିବା କମିବା ଡାଇନାମିକ୍ ପ୍ରୋସେସ୍। ଭୁବନେଶ୍ୱରରେ ତଳ ଉପର ହୋଇ ପ୍ଲାଟୋ ଷ୍ଟେଜ୍ ରେ ସଂକ୍ରମଣ ରହିଛି। ବୁଷ୍ଟର ଡୋଜ୍ ର ଆବଶ୍ୟକତା ଅଛି, କିନ୍ତୁ ଟେକ୍ନିକାଲ ଟିମ୍ ର ଷ୍ଟଡି ରିପୋର୍ଟ ଆସିନି ବୋଲି ସେ କହିଛନ୍ତି।
ସେହିପରି କୋଭିଡର ନୂଆ ଭାରିଏଣ୍ଟ ନେଇ ଡିଏମଇଟି ସିବିକେ ମହାନ୍ତି ମଧ୍ୟ ସୂଚନା ଦେଇଛନ୍ତି। ଏ ୱାଇ ୪.୨ ଭାରିଏଣ୍ଟ ହେଉଛି ଡେଲଟା ଭାଇରସର ଉପପ୍ରଜାତି। କେବଳ ଇନ୍ଦୋରରେ ୭ଟି ଓ ମହାରାଷ୍ଟ୍ରରେ ଏ ୱାଇ ୪.୨ ଭାରିଏଣ୍ଟ ମିଳିଛି। ଏନେଇ ଏହାକୁ ଭାରିଏଣ୍ଟ ଅଫ୍ କନସର୍ଣ୍ଣ ଘୋଷଣା କରିନି ଡବ୍ଲ୍ୟୁଏଚଓ। ପ୍ରଥମ ଡିଟେକ୍ଟ ହୋଇଥିବାରୁ ଭାରିଏଣ୍ଟ ଅଫ ଇନଭେଷ୍ଟିଗେସନ କୁହାଯାଉଛି। ତା’ପରେ ଭାରିଏଣ୍ଟ ଅଫ ଇଣ୍ଟ୍ରେଷ୍ଟ ଓ ପରେ କନସର୍ଣ୍ଣ ଭାରିଏଣ୍ଟ ହେବ। ଭାରତରେ ଏହା ଅତି ନଗଣ୍ୟ। ବ୍ୟସ୍ତ ହେବାର ସମୟ ଆସି ନାହିଁ। ଡେଲଟା ଭାରିଏଣ୍ଟର ୫୫ଟି ଉପପ୍ରଜାତି ଅଛି, କିଛି ଲୋକଲୋଚନକୁ ଆସିଛି। ଜେନେମିକ୍ ଷ୍ଟଡି ଚାଲିଛି। ନୂଆ ଭାରିଏଣ୍ଟର ପ୍ରଭାବ ଆଗକୁ ଜଣାପଡିବ ବୋଲି ଡିଏମଇଟି କହିଛନ୍ତି।
କରୋନା ସ୍ଥିତି ନେଇ ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ଓ ଡିଏମଇଟି ସିବିକେ ମହାନ୍ତିଙ୍କ ସୂଚନା
Popular Categories
Previous article
Next article