ଚିକିଟି : ପଞ୍ଚାୟତ ସଂରକ୍ଷଣ ତାଲିକା ପ୍ରକାଶ ହେବା ପରେ ଚିକିଟି ବ୍ଲକ ରାଜନୀତି ପାଣି ପାଗ ଉଷୁମ ହୋଇ ଉଠିଛି । ଆଜି ଗଞ୍ଜାମ ଜିଲ୍ଲା କଂଗ୍ରେସ ସଭାପତି ଚିକିଟି ବ୍ଲକର ବିଜେଡି ଦୁର୍ଗ କୁହାଯାଉଥିବା ଗିରିସୋଲାରେ କର୍ମୀ ଯୋଗାଡ଼ କରିବା ଏବଂ ବାଜା ବାଜେଣି ଗ୍ରାମ ପରିକ୍ରମା କରିବା ଘଟଣା ଚିକିଟି ରାଜନୀତିକୁ ସରଗରମ କରିଛି। ଆଜି ଅପରାହ୍ନରେ ଜ଼ିଲ୍ଲା ସଭାପତି ରମେଶ ଜେନା ଏକ ବାଇକ ରାଲିରେ ଗିରିସୋଲାରେ ପହଞ୍ଚିଥିଲେ । ତାଙ୍କୁ ପାଛୋଟି ନେବା ପାଇଁ ପୂର୍ବରୁ ପ୍ରସ୍ତୁତ ରହିଥିବା ଏକ ଯୁବ ଗୋଷ୍ଠୀ ରମେଶ ଜେନାଙ୍କୁ ଗାଁ ମୁଣ୍ଡରେ ସମ୍ବର୍ଦ୍ଧନା ଜଣାଇ ଗିରିସୋଲାର ବଡ଼ ସାହି ସମେତ ଗ୍ରାମ ପରିକ୍ରମା କରାଇବା ପରେ ଗ୍ରାମରେ ଚାଲିଥିବା ଠାକୁରାଣୀ ଯାତ୍ରାରେ ପହଞ୍ଚି ମାଆ ଙ୍କ ପାଖରେ ପୂଜା ଅର୍ଚନା ସହ ଦର୍ଶନ କରିଥିଲେ। ଶେଷରେ ଏକ ସଭା ମଞ୍ଚରେ ଉପସ୍ଥିତ ରହି ଗ୍ରାମର ଯୁବଗୋଷ୍ଠିଙ୍କୁ ଆଗାମୀ ପଞ୍ଚାୟତ ନିର୍ବାଚନ ପାଇଁ ସଜାଗ ରହିବାର କୌଶଳ ପ୍ରଦାନ କରିଥିଲେ। ଜ଼ିଲ୍ଲା ସଭାପତି ରମେଶ ଜେନାଙ୍କ ଏହି ଗସ୍ତ ସମୟ ରେ ଚିକିଟି ବ୍ଲକ କଂଗ୍ରେସ ସଭାପତି କ୍ଷମା ସାଗର ମହାରଣା ସମେତ ଗିରିସୋଲାର ରାମା ରାଓ, ଡ଼ ଜଗା ରାଓ, ଗୋପୀ ସନ୍ତୋଷ, ହରିଶ, ନୀଳାଦ୍ରି, ସୁମିତ, ରବି, ଏବଂ ପାତ୍ର ପୁର ବ୍ଲକର ବିଜେଡିରୁ କଂଗ୍ରେସରେ ଯୋଗ ଦେଇଥିବା ସମସ୍ତ କର୍ମୀ ଯୋଗ ଦେଇଥିଲେ l
Popular Categories
Previous article
Next article